بۇگىن استاناداعى «قازمەديا» ورتالىعىندا قر مادەنيەت جانە سپورت مينيسترلىگىنىڭ القا ءماجىلىسى بارىسىندا مينيستر ارىستانبەك مۇحامەدي ۇلى سپورتتاعى 2016 جىلدىڭ ۇزدىكتەرىن ماراپاتتادى.
اتاپ ايتقاندا, «ۇزدىك سپورتتىق ءوڭىر» نوميناتسياسى استانا قالاسىنىڭ دەنە شىنىقتىرۋ جانە سپورت باسقارماسىنا بەرىلدى.
«اۋداندىق ۇزدىك دەنە شىنىقتىرۋ جانە سپورت ءبولىمى» نوميناتسياسى بويىنشا شىعىس قازاقستان وبلىسى اباي اۋدانىنىڭ مادەنيەت, تىلدەردى دامىتۋ, دەنە شىنىقتىرۋ جانە سپورت ءبولىمى جەڭىمپاز اتاندى.
«جىلدىڭ ۇزدىك سپورت فەدەراتسياسى» اتالىمىندا قازاقستاننىڭ بوكس فەدەراتسياسى جەڭىمپاز بولدى.
«جىلدىڭ ۇزدىك اۋىل جاتتىقتىرۋشىسى» اتاعىن ءسۇلايمانوۆ ءالىمجان راحىمجان ۇلى جەڭىپ الدى.
«دەنە شىنىقتىرۋ جانە سپورت سالاسىنداعى ۇزدىك مامان» نوميناتسياسى بويىنشا ماكسيموۆا ناتاليا گەننادەۆنا ماراپاتتالدى.
«سپورتتىڭ اۋىلدىق جەردەگى ۇزدىك نۇسقاۋشى-ادىسكەرى» اتالىمىندا مۇحامبەتالين قازي كاجىعالي ۇلى ۇزدىك اتاندى.