لەۆيت دايىندىق كەزىندە اسا اۋىر سالماقتاعى بوكسشىنى نوكداۋنعا جىبەردى

ريو وليمپياداسىنىڭ كۇمىس جۇلدەگەرى ۆاسيلي لەۆيت سپاررينگ كەزىندە اسا اۋىر سالماقتاعى بوكسشىنى نوكداۋنعا جىبەردى. بۇل تۋرالى vesti.kz حابارلادى. ءۇش راۋندقا سوزىلعان جەكپە-جەك تالعار قالاسىنداعى وقۋ-جاتتىعۋ جيىنى اياسىندا ءوتتى. مۇندا قازاقستان قۇراماسىنىڭ سپورتشىلارى گەرمانيا جانە اقش بوكسشىلارىمەن بىرلەسكەن جاتتىعۋ وتكىزىپ جاتىر. 91 كيلوعا دەيىنگى سالماقتا شارشى الاڭعا شىعاتىن ۆاسيلي لەۆيت اسا اۋىر سالماقتاعى گەرمانيالىق ماكس كەللەرمەن كۇش سىناستى.