استانا قالاسىنىڭ اكىمى اسەت يسەكەشەۆ حالىققا ەسەپ بەرۋ جيىنىندا 2016 جىلداعى نەگىزگى ەكونوميكالىق كورسەتكىشتەرگە توقتالا كەلە ەلباسىنىڭ باستاماسىمەن قولعا الىنعان «نۇرلى جول» ينفراقۇرىىلىمدى دامىتۋ باعدارلاماسىن ىسكە اسىرۋ بارىسى, شوب قولداۋ, كۇردەلى ەكونوميكالىق جاعدايلاردا تەحنولوگيالىق يندۋستريالاندىرۋ جۇرگىزۋ تۋرالى ايتىپ بەردى.
2016 جىلى جالپى وڭىرلىك ءونىم بولجامدارعا سايكەس 5 ترلن. تەڭگەنى قۇرايدى جانە 2015 جىلدىڭ سايكەس مەرزىمىمەن سالىستىرعاندا 3,7% ۇلعايدى;
استانا وڭىرلەر بولىنىسىندە نەگىزگى كاپيتالعا تارتىلعان ينۆەستيتسيالار (837,7 ملرد. تەڭگە, قر - 11%), شاعىن جانە ورتا كاسىپكەرلىك كاسىپورىندارى سانىنىڭ ارتۋ قارقىنى (نكي – 101,1%, قر بويىنشا – 95,4%) بويىنشا كوش باسىندا, سونداي-اق, ەلوردادا ەڭ تومەن جۇمىسسىزدىق دەڭگەيى (4,6%, پو رك – 4,9%) تىركەلدى.
«10 زاماناۋي جاڭا جوعارى تەحنولوگيالىق ءوندىرىس اشىلدى, سونىڭ ىشىندە ۇشەۋى – شەتەلدىك كاپيتالدىڭ قاتىسۋىمەن. ونەركاسىپتىك ءوندىرىس كولەمى 426 ملرد. تەڭگەنى, ينۆەستيتسيالار 838 ملرد. تەڭگەنى قۇرادى, سونىڭ ىشىندە 60% – جەكە قارجى. قازىرگى كەزدە 140 مىڭعا جۋىق شوب سۋبەكتىسى بار, وتكەن جىلمەن قاراعاندا ءوسىم بايقالادى, جالپى وڭىرلىك ءونىمنىڭ 50% جۋىعى قالىپتاسادى, جانە جاڭا جۇمىس ورىندارىنىڭ شامامەن 70% اشىلادى», – دەپ اتاپ ءوتتى قالا باسشىسى.
مۇنىمەن قوسا, ەلوردادا ىسكە اسىرىلىپ جاتقان «بيزنەستىڭ جول كاراتسى – 2020», «استانا بيزنەس», «استانا-جاستار» جاستار اراسىندا كاسىپكەرلىكتى قولداۋ, «Start Up» جانە ت.ب. باعدارلامالاردىڭ باسىمدىقتارى بەلگىلەندى. 2016 جىلى جالپى قۇنى 32 ملرد. تەڭگەنى قۇرايتىن 206 جوباعا قولداۋ كورسەتىلدى, بۇل 2015 جىلعى كورسەتكىشكە قاراعاندا 2 ەسەگە ارتىق.