حالىقارالىق Heritage Foundation زەرتتەۋ ينستيتۋتىنىڭ نۇسقاسى بويىنشا ەركىن ەكونوميكا رەيتينگىندە قازاقستان 42-ءشى ورىنعا كوتەرىلدى, دەپ جازادى Today.kz.
2016 جىلمەن سالىستىرعاندا بيىل 5,4 پۋنكتە كوتەرىلدى.
"قازاقستان ەكونوميكاسى سوڭعى ون جىلدا اشىقتىقتى قامتاماسىز ەتە وتىرىپ ۇلكەن جەتىستىككە جەتتى. مەملەكەتتىڭ ءىرى كاسىپورىندارعا يەلىك ەتكەنى ساقتالعانىنا قاراماستان, ەكونوميكا نەگىزىنەن جەكەنىڭ قولىندا. وعان قوسا قازىر جەكەشەلەندىرۋ ناۋقانى جالعاسىپ جاتىر. قۇرىلىمدىق رەفورمالاردىڭ ارقاسىندا ساۋدا رەجيمى جاڭارتىلدى", - دەلىنگەن زەرتتەۋدە.
2016 جىلى قازاقستان ءتىزىمنىڭ 68-ءشى ورنىنان كورىنگەن ەدى.
ءتىزىمنىڭ كوشباسشىلارى بيىل گونكونگ, سينگاپۋر, جاڭا زەلانديا, شۆەيتساريا مەن اۆستراليا. قىرعىزستان 89-شى ورىن, بەلورۋس 104, رەسەي 114, وزبەكستان 148-ءشى ورىندا.