پارلامەنت ءماجىلىسىنىڭ دەپۋتاتى يرينا سميرنوۆا قازاقستاندىق مۇعالىمدەردىڭ, تاربيەشىلەردىڭ جانە پەداگوگيكالىق مەكەمە جۇمىسشىلارىنىڭ جالاقىسىن ءوسىرۋدى سۇرادى, دەپ حابارلايدى Tengrinews.kz تىلشىسى.
“پەداگوگتار ۇجىمىنىڭ قىزمەتىنە قاتىستى, جالاقى سوماسىنا قاراعاندا, ارتىلعان مىندەتتەردى ورىنداۋدىڭ مۇمكىندىگى كۇمان تۋعىزادى. بالاباقشا تاربيەشىسىنىڭ جالاقىسى – 40 مىڭ تەڭگە, ەندى جۇمىسقا تۇرعان مۇعالىمدىكى 46 000 تەڭگە. تاربيەشىلەر مەن مۇعالىمدەردىڭ جالعىز “موتيۆاتورى” – بالالارمەن جۇمىس ىستەۋى, بالالاردىڭ ءوزى”, – دەپ اتاپ ءوتتى دەپۋتات پرەمەر-ءمينيستردىڭ اتىنا جولداعان ساۋالىندا.
يرينا سميرنوۆا مۇعالىمدەردىڭ قوسىمشا مىندەتتەرى بار ەكەنىن ايتىپ وتىر.
“الاتىن از كولەمدەگى جالاقىسىمەن قاتار قوسىمشا مىندەتتەرى كوپ, ونى قوعامدىق جۇمىستار دەپ ءجۇرمىز. ماسەلەن, جالپى ءبىلىم بەرۋدى الايىق. ءاربىر مۇعالىم قالانىڭ, اۋىلدىڭ ۋچاسكەسىنە بەكىتىلىپ قويعان, ول ءار ۋچاسكەنى ءۇش رەت اينالىپ ءوتۋى ءتيىس, بۇل ۋچاسكەسىندە كوپقاباتتى ۇيلەر نەمەسە ونداعان جەكە ءۇي, ساياجاي ءماسسيۆى بار, ونداعى 0-18 جاس ارالىعىنداعى بالالاردى تىركەپ شىعۋى ءتيىس. تىركەۋگە مالىمەتتى بەرگىسى كەلمەيتىن تۇرعىندار دا بار, ونىڭ ۇستىنە بەرگەن مالىمەتى ءۇشىن تۇرعىندار جاۋاپكەرشىلىك ارقالامايدى. ءتىپتى مالىمەت بەرگىسى كەلمەي, ءيتىن ايتاقتاپ وتىراتىن ازاماتتار دا بارشىلىق. مۇعالىمنىڭ قانداي قاۋىپ-قاتەردە جۇرگەنىن ەشكىم ويلامايدى, وقىتۋشىلاردىڭ كوبى ايەلدەر, ولار جۇمىس ۋاقىتى اياقتالعاننان كەيىن ەش اقىسىز قوعامدىق جۇمىستارعا تارتىلادى. ال ۋچاسكەسىندە بالالار بولسا, ولاردىڭ قايدا وقيتىنىن انىقتاپ, تىركەۋى ءتيىس. ۋچاسكەسىندە وقۋعا تارتىلماعان بالا بولسا, ديرەكتورعا, وسىعان جاۋاپتى ديرەكتور ورىنباسارىنا قاتىستى جۇمىستان بوساتۋعا دەيىن ماسەلە كوتەرىلەدى. جالپى العاندا ەل مۇعالىمدەرى ءبىر جىل ىشىندە ءۇش مارتە حالىق ساناعىن جۇرگىزىپ شىعادى”, – دەيدى سميرنوۆا.
سونىمەن قاتار, ايتۋىنشا, الماتىداعى قوعامدىق كولىكتە جولاۋشىلار تاسىمالداۋعا ارنالعان “وڭاي” جول ءجۇرۋ قۇجاتىن تۇگەلدەي مۇعالىمدەر ەش اقىسىن جۇزەگە اسىرادى.
“ال كولىك ۇيىمدارى مەملەكەتتىك تە ەمەس, جەكە. ونىڭ ۇستىنە – قۇجاتتار وتە كوپ, جۇمىس جوسپارى تىعىز: كۇنتىزبەلىك, ۇزاقمەرزىمدى, ورتاشا مەرزىمدى, ساباق جوسپارى, ءوزىنىڭ جەكە دامۋىنىڭ جوسپارى, مەكتەپ بولىمشەسىنىڭ بەلگىلى ءبىر جوسپارى, وسىلاي كەتە بەرەدى”, – دەدى دەپۋتات.
سميرنوۆانىڭ ايتۋىنشا, مۇعالىمدەر وسى مىندەتتىڭ بارلىعىن ورىنداپ, ءىسىنىڭ دالەلى رەتىندە فوتوەسەپ, ستسەناري, وقۋشىلاردىڭ ەسسەسى, ارىپتەستەرى مەن اتا-انالاردىڭ پىكىرى تۇرىندەگى جۇمىس وتكىزۋى ءتيىس. “سىنىپ جۋرنالىن ەنگىزۋ, ءالى قاعاز تۇرىندەگىسى الىپ تاستالعان دا جوق, ۇستىنە ەلەكتروندىق جۋرنالى دا قوسىلىپ وتىر. ءبىلىم الىپ جاتقان بالالار تۋرالى مالىمەتتەردى ۇلتتىق ءبىلىم بەرۋ بازاسىنا قوسۋ, وندا ءاربىر بالاعا كوپتەگەن سۇراق قويىلادى, جاۋابى تالاپ ەتىلەدى. بۇل اقىسىز ىستەلەتىن ءارى اتقارىلۋى قيىن جۇمىستار. جۇيەنىڭ قىزمەتى بويىنشا ارنايى مولشەرلەمە جوق”, – دەدى ول.
وسىلاي دەي كەلە, دەپۋتات مۇعالىمدەردىڭ, تاربيەشىلەردىڭ, پەداگوگيكالىق مەكەمە جۇمىسشىلارىنىڭ جالاقىسىن وسىرۋگە قاراجات تابۋدى, مۇعالىمدەردىڭ بىلىكتىلىگىن ارتتىرۋ جۇيەسىن ءتيىمدى ەتۋ مۇمكىندىكتەرىن قاراستىرۋدى, ونى قاشىقتىقتان جۇزەگە اسىرۋ فورماسىن ەنگىزۋدى, مەكتەپ مۇعالىمدەرىنىڭ ادىستەمەلىك بىرلەستىكتەرىنىڭ جەتەكشىلەرىنىڭ اقىسى ماسەلەسىن شەشۋدى, مۇعالىمدەردىڭ كۇشىن بالالاردى تاربيەلەۋمەن جانە ءبىلىم بەرۋمەن بايلانىسى جوق بەلگىلى ءبىر مىندەتتەردى ورىنداۋ ءۇشىن پايدالانباۋدى سۇرادى.
وتىنىشكە “حالىق كوممۋنيستەرى”, “اق جول”, “نۇر وتان” فراكتسيالارىنىڭ دەپۋتاتتارى جانە قازاقستان حالقى اسسامبلەياسى ماجىلىسمەنى قول قويدى.