ءۇندىستان الداعى بىرنەشە جىلدىڭ ىشىندە ەكى عالامشارعا ەكسپەديتسيا جاساماق. ءۇندىستاننىڭ عارىشتىق زەرتتەۋ ۇيىمى (ISRO) مارس پەن ۆەنەراعا عارىش اپپاراتتارىن جىبەرەدى, دەپ حابارلادى Times of India.
ەلدە بۇگىنگى تاڭدا ۆەنەرا ەكسپەديتسياسى بويىنشا جۇمىستار باستالىپ كەتكەن. ال مارسقا اپپارات 2021-2022 جىلدارى جىبەرىلەدى دەپ جوسپارلانۋدا.
ءۇندىستاننىڭ بۇل ەكسپەديتسيالارى وسى ەل تاريحىنداعى ەكىنشى جانە ءۇشىنشى تاجىريبە بولماق. سەبەبى 2013 جىلى "مانگاليان" ستانساسى مارسقا جىبەرىلىپ, توعىز ايدان كەيىن ول قىزىل عالامشاردىڭ وربيتاسىنا ءساتتى قونعان بولاتىن. بۇل ءۇندىستاندى اپپاراتتارىن ءبىر جىبەرگەننەن مارسقا ءساتتى قوندىرعان العاشقى ەل اتاندىردى. ال قىزىل عالامشارعا ەكىنشى تاجىريبە بارىسىندا جىبەرىلەتىن اپپاراتتار ەندى وزدىگىنەن جۇرەتىن قۇرىلعىلارمەن تولىقتىرىلماق.
قازىرگى تاڭدا بۇل تاجىريبەلەرگە فرانتسيانىڭ ۇلتتىق عارىشتىق زەرتتەۋ ورتالىعى (CNES) دا قاتىسۋعا دايىن ەكەندىكتەرىن بىلدىرىپ وتىر.