گۋانچجوۋدىڭ گۋندان پروۆينتسياسىندا جىل سايىن وتەتىن شامدار فەستيۆالىندە Ehang كومپانياسىنىڭ ماماندارى ءبىر ۋاقىتتا مىڭنان ارتىق درونداردى اسپانعا ۇشىردى. ولاردىڭ بارلىعىن ءبىر ينجەنەر بىرىكتىرىلگەن پۋلت ارقىلى باسقاردى, دەپ حابارلايدى Global Times.
ءبىر ايتا كەتەرلىگى, پيلوتسىز ۇشاتىن اپپاراتتار وسى شارا بارىسىندا التى ءتۇرلى كۇردەلى فورماتسيا ورىنداعان. مامانداردىڭ ايتۋىنشا, كوپ توپتان تۇراتىن درونداردى ءبىر ۋاقىتتا باسقارۋ الگوريتمى كۇردەلى بولعاندىقتان, وسى كۇنگە دەيىن تەك جۇزدەن ارتىق اپپاراتتاردى عانا باسقارۋ مۇمكىندىگى بولعان. ەستەرىڭىزگە سالا كەتسەك, بۇعان دەيىن پەنتاگون ماماندارى 100 پيلوتسىز ۇشاتىن اپپاراتتاردى ءبىر جاساندى ينتەللەكت ارقىلى باسقارىپ ۇشىرعان بولاتىن. ول كەزدە 103 درون ەكى ءتۇرلى ۇشاقتان باسقارىلىپ, كەيىن ءبىر توپقا بىرىكتىرىلگەن ەدى. 2017 جىلدىڭ سوڭىنا دەيىن پەنتاگون وسى تاجىريبەنى 1000 درونمەن قايتالاپ كورمەك.
•
16 اقپان, 2017
قىتايدا الەمدە العاش رەت ءبىر ۋاقىتتا مىڭ درون ۇشتى (ۆيدەو)
591 رەت
كورسەتىلدى