اقپان ايىنىڭ 19-26 ارالىعىندا جاپونيانىڭ ساپپورو قالاسىندا VIII قىسقى ازيا ويىندارى وتەدى. ءدۇبىرلى دوداعا قاتىساتىن قازاقستاننىڭ سپورتتىق دەلەگاتسياسى كۇنشىعىس ەلىنە اتتانىپ كەتتى.
جاقىندا سپورتشىلاردى الماتى قالاسىندا شىعارىپ سالۋ ءراسىمى ءوتتى. وسىدان ءۇش جىل بۇرىن سوچي وليمپياداسىندا قازاقستاننىڭ تۋىن ۇستاپ شىققان شاڭعىشى ەردوس احماديەۆكە بۇل جولى دا سەنىم ارتىلىپ وتىر.
الماتىدا وتكەن ششىعارىپ سالۋ راسىمىندە جەلاياق شاڭعىشى سپورتشىلارى اتىنان انت ءماتىنىن وقىپ, بايراقتى باسەكەدە ەل نامىسىن لايىقتى قورعاۋعا ۋادە بەردى.
ساپپورودا قىسقى سپورتتىڭ 11 ءتۇرىنەن 64 مەدال جيىنتىعى ساراپقا سالىنادى. قازاقستاننىڭ سپورتتىق دەلەگاتسياسى وسى ويىندارعا كەيبىر سپورت تۇرلەرى بويىنشا ەكىنشى قۇراممەن بارادى. ونىڭ وزىندىك سەبەپتەرى بار. جاقىندا ەلىمىزدىڭ نەگىزگى قۇرامى الماتىداعى ححVIII دۇنيەجۇزىلىك قىسقى ۋنيۆەرسيادا ويىندارىنا قاتىستى. سونىمەن قاتار, بۇل ۋاقىتتا بىرقاتار سپورت تۇرلەرىنەن الەم چەمپيوناتى, الەم كۋبوگىنىڭ كەزەڭدەرى وتەدى. سوعان قاراماستان, ءبىزدىڭ كوماندانىڭ قۇرامىندا دەنيس تەن, ەليزابەت تۇرسىنباەۆا (مانەرلەپ سىرعاناۋ), رومان كرەچ, دەنيس كۋزين, ەكاتەرينا ايدوۆا, دميتري بابەنكو ء(بارى دە – كونكيمەن جۇگىرۋ سپورتى), دميتري رەيحارد (فريستايل-موگۋل), الينا رايكوۆا, گالينا ۆيشنەۆسكايا (ەكەۋى دە – بياتلون), نيكولاي چەبوتكو (شاڭعىمەن جۇگىرۋ), ايدار بەكجانوۆ (شورت-ترەك), مارات جاپاروۆ (شاڭعىمەن تۇعىردان سەكىرۋ) سىندى حالىقارالىق دودالاردا وزا شاۋىپ جۇرگەن سپورتشىلار ونەر كورسەتەتىن بولادى. جالپى, قازاقستاننىڭ نامىسىن بۇل ويىنداردا 116 سپورتشى قورعايدى.
ايتا كەتەيىك, ساپپورو قالاسى ازيا ويىندارىن وسىمەن ءۇشىنشى رەت قابىلداپ وتىر. جالپى, جاپونيا جەرىندە بۇل دودا ءتورت رەت ۇيىمداستىرىلعان. وسىدان التى جىل بۇرىن اق ازيادا استانا مەن الماتى قالالارىندا وتكىزىلگەن ەدى. ول كەزدە قازاقستان قۇراماسى 32 التىن جەڭىپ الىپ, جالپىكوماندالىق ەسەپتە جەكە-دارا كوش باستاعان بولاتىن.
VIII قىسقى ازيا ويىندارىنىڭ اشىلۋ سالتاناتىندا تۋ ۇستاۋشى, شاڭعى جارىسىنان قازاقستاننىڭ بەس دۇركىن چەمپيونى ەردوس احماديەۆ قازاقستان سپورتتىق دەلەگاتسياسىن باستاپ شىعادى.
بەك تولەۋوۆ
استانا