ەلىمىز ەرتەڭىنە سەنىممەن قادام باسقان شاعىندا زامانىنا ساي كەلەشەك ۇرپاقتى تاربيەلەۋ باستى مىندەت. وسى ورەلى جولدا ۇرپاق ونەگەسى, ادامدىق بولمىسى جايلى وي تولعاپ, رۋحاني-ادامگەرشىلىك ءبىلىم بەرۋدى باستى يدەيا ەتىپ ۇستاناتىن «بوبەك» قورىنىڭ پرەزيدەنتى سارا نازارباەۆانىڭ «ءوزىن ءوزى تانۋ» اۆتورلىق باعدارلاماسىنىڭ العا قويعان ماقساتى اۋقىمدى.
– ەلىمىزدىڭ ءبىلىم جانە عىلىم مينيسترلىگى «ءوزىن ءوزى تانۋ»: ماحاببات پەن شىعارماشىلىق پەداگوگيكاسى» اتتى ءداستۇرلى ونكۇندىكتى ءوتكىزۋدى ۇسىنعان بولاتىن, – دەيدى قالاداعى ورتالىق كىتاپحانا قىزمەتكەرى جانات ءابىلماجىنوۆا. − وسىعان وراي ءبىز «ءوزىن ءوزى تانۋ − ادامگەرشىلىك قۇندىلىقتاردىڭ نەگىزى» اتتى كەش وتكىزىپ وتىرمىز. بۇل باعدارلاما جاس ۇرپاقتىڭ جۇرەگىندە ءومىرگە دەگەن سەنىم ۇيالاتادى. اتا-اناعا دەگەن ىزگىلىك قاسيەتتەردى بويىنا سىڭىرەدى.
شارا بارىسىندا كىتاپحانا ماماندارى «بوبەك» قايىرىمدىلىق قورىنىڭ پرەزيدەنتى سارا الپىسقىزىنىڭ ءومىر جولى, قايىرىمدىلىق ءىس-شارالارى, ەلىمىزدەگى ادامگەرشىلىك-رۋحاني ءبىلىم بەرۋ سالاسىنىڭ دامۋىنا قوسقان ۇلەسى تۋرالى اڭگىمەلەدى. پسيحولوگ ماماندار ءلاززات مازتاەۆا مەن ساندۋعاش راپيكوۆانىڭ ايتۋىنشا, ءوزىن ءوزى تانۋ ءپانى ارقىلى بالالار وزىنە سەنىمدىلىككە, ادامدار اراسىندا ورنىن تاۋىپ, ءوزىن تۇلعا رەتىندە سەزىنۋگە تاربيەلەنەدى.
«ءوزىن ءوزى تانۋ ناعىز ادام بولۋدىڭ سىرى مەن قىرىن ءۇيرەتەتىن ءپان», دەيدى №34 ورتا مەكتەپتىڭ باستاۋىش سىنىپ ۇستازدارى گۇلميرا بايجۇلدانوۆا مەن ءلايلىم ورازاەۆا. مۇعالىمدەر, سونىمەن بىرگە, ساباق بارىسىندا قولدانىلاتىن ءىس-ءتاجىريبەلەرىمەن ءبولىستى. «ءوزىن ءوزى تانۋ ماحابباتقا جەتەلەيدى» اتتى ترەنينگتە اتالعان ءپاننىڭ قىزىقتى وتكىزىلۋى ءادىس-ءتاسىلدەردى ورنىن تاۋىپ قولداناتىن مۇعالىمنىڭ شەبەرلىگىنە بايلانىستى ەكەندىگى اتالدى.
راۋشان نۇعمانبەكوۆا
سەمەي