ەلىمىزدەگى سىبايلاس جەمقورلىق دەڭگەيىن تومەندەتۋ باعىتىندا ەلەۋلى قادامدار جاسالدى. الايدا, باستى نازار كوبىنە سىبايلاس جەمقورلىقتىڭ سالدارلارىمەن كۇرەسۋگە اۋدارىلىپ وتىر. بۇل تۋرالى بۇگىن جاريالانعان پرەزيدەنت نۇرسۇلتان نازارباەۆتىڭ ەل حالقىنا ارناعان جولداۋىندا ايتىلعان.
«سىبايلاس جەمقورلىقتىڭ سەبەپتەرى مەن العىشارتتارىن انىقتاپ, ولاردى جويۋ جۇمىسىن كۇشەيتۋ قاجەت», - دەدى ەلباسى. سونىمەن قاتار نۇرسۇلتان نازارباەۆ سىبايلاس جەمقورلىقپەن كۇرەستە كوپ نارسە بۇكىل قوعامنىڭ بەلسەنە اتسالىسۋىنا بايلانىستى ەكەنىن ايتتى. «الەۋمەتتىك جەلىنىڭ, وزگە دە مەديا-رەسۋرستاردىڭ دامۋى جاعدايىندا, سىبايلاس جەمقورلىققا قارسى ءىس-ارەكەت بارىسىندا ونى جالپى جۇرتشىلىقتىڭ جەك كورۋى كۇرەستىڭ قۋاتتى قۇرالىنا اينالۋعا ءتيىس», - دەدى قازاقستان پرەزيدەنتى.
سونىمەن قاتار ەلباسى جولداۋدا ساتىپ الۋ سالاسىن جەتىلدىرۋگە باسا نازار اۋدارعان.
«ۇكىمەتكە مەملەكەتتىك ساتىپ الۋ جۇيەسىن ورتالىقتاندىرىلعان قىزمەت قاعيداتى بويىنشا ەنگىزۋدى تاپسىرامىن. كۆازيمەملەكەتتىك سەكتوردا, تابيعي مونوپوليا جانە جەر قويناۋىن پايدالانۋ سالالارىندا دا ساتىپ الۋ شارالارىن وتكىزۋ ادىستەرىن تۇبەگەيلى قايتا قاراستىرۋ كەرەك», - دەپ اتاپ ءوتتى مەملەكەت باسشىسى.