2016 جىلعى جەلتوقساندا حالىقتىڭ ايىرباستاۋ پۋنكتتەرىندە قولما-قول اقش دوللارىن نەتتو-ساتىپ الۋ كولەمى وتكەن ايمەن سالىستىرعاندا 10%-عا تومەندەپ, 358,5 ملن. اقش دوللارىن قۇرادى. بۇل كورسەتكىش 2015 جىلعى جەلتوقسانداعى دەڭگەيدەن (922,1 ملن. اقش دوللارى) ءۇش ەسە دەرلىك تومەن, دەپ حابارلايدى ۇلتتىق بانك.
بۇل رەتتە تەڭگەنىڭ 2015 جىلعى جەلتوقسانداعى ايىرباستاۋ باعامىنىڭ دەڭگەيىن 2016 جىلعى جەلتوقسانداعى دەڭگەيمەن سالىستىرۋعا بولادى – تيىسىنشە ءار كەزەڭنىڭ سوڭىنداعى ەسەپتەن العاندا 1 اقش دوللارى ءۇشىن 340,01 جانە 333,29 تەڭگە.
2016 جىلى حالىقتىڭ اقش دوللارىن نەتتو-ساتىپ الۋى 1,4 ملرد. اقش دوللارىن قۇرادى, بۇل 2015 جىلعى كولەمنەن 5,7 ەسە دەرلىك تومەن. بۇل دەڭگەي 2001 جىلدان بەرگى باقىلاۋ كەزىندەگى ەڭ تومەن جىلدىق ءمان بولىپ تابىلادى. قولما-قول اقش دوللارىنا سۇرانىس ساقتالىپ وتىر, الايدا ول ەداۋىر تومەندەپ كەتتى.
وسىنداي كورىنىس شەتەل ۆاليۋتالارىنىڭ باسقا دا نەعۇرلىم تانىمال تۇرلەرى بويىنشا بايقالىپ وتىر. ماسەلەن, 2016 جىلى قولما-قول رەسەي ءرۋبلىن نەتتو-ساتىپ الۋ 88,1 ملرد. رۋبلگە دەيىن 2 ەسە قىسقاردى. بۇل رەتتە قولما-قول اقش دوللارى مەن رەسەي ءرۋبلىن نەتتو-ساتىپ الۋدىڭ تەڭگەدەگى بالاماسىندا كولەمى ءىس جۇزىندە تەڭەستى, ال 2015 جىلى امەريكا ۆاليۋتاسى رەسەي ۆاليۋتاسىنا قاراعاندا 2,7 ەسە تانىمال بولدى.
ەۋروپانىڭ قولما-قول ۆاليۋتاسىن نەتتو-ساتىپ الۋدىڭ كولەمى وتكەن جىلى 373 ملن. ەۋروعا دەيىن 40%-عا جۋىق قىسقاردى. ەۋروعا سۇرانىس شەكتەۋلى بولىپ وتىر.