وڭتۇستىك قازاقستان وبلىسىندا «ديپلوممەن - اۋىلعا» باعدارلاماسى اياسىندا الەۋمەتتىك جانە اگروونەركاسىپ كەشەنى سالاسى ماماندارىنا تۇرعىن ءۇي ساتىپ الۋ نەمەسە سالۋ ءۇشىن جەڭىلدەتىلگەن بيۋدجەتتىك كرەديت تۇرىندە 954,447 ملن. تەڭگە باعىتتالىپ, ناتيجەسىندە 303 مامان باسپانالى بولدى, - دەپ حابارلايدى وبلىس اكىمدىگىنىڭ ءباسپاسوز قىزمەتى.
بيىلعى جىلى دا وڭىردە وسى باعدارلاما اياسىندا 1,1 ملرد. تەڭگە ءبولىنىپ, ناتيجەسىندە 300 جاس مامان تۇرعىن ۇيگە قول جەتكىزبەكشى. ال, جۇمىسسىز جۇرگەن مامانداردى ەلدى مەكەندەرگە جۇمىسقا تارتىپ, اۋىلدىڭ جاعدايىن كوتەرۋ جانە ونداعى كادر تاپشىلىعىن شەشۋ جۇمىستارى جۇيەلى تۇردە جۇرگىزىلىپ كەلەدى. ماسەلەن, «ديپلوممەن-اۋىلعا» جوباسى اياسىندا وتكەن 2016 جىلى 14 اۋدان, قالا بويىنشا 773 مامانعا 114,766 ملن. تەڭگە كولەمىندە بىرجولعى كوتەرمە جاردەماقى ۇسىنىلدى. ونىڭ ىشىندە 496 - ءبىلىم بەرۋ, 218 - دەنساۋلىق ساقتاۋ, 43 - اگروونەركاسىپتىك كەشەن, 9 - سپورت, 5 - مادەنيەت, 2 - الەۋمەتتىك قامسىزداندىرۋ سالاسىنىڭ ماماندارى بولىپ تابىلادى. سونداي-اق, «جاستار پراكتيكاسى» باعدارلاماسى اياسىندا 5 135 جاس جۇمىسپەن قامتىلسا, ونىڭ 1 982-ءسى اۋىل جاستارى. ال, وسى باعدارلامامەن جۇمىس ىستەگەن ازاماتتاردىڭ 3 890-ى تۇراقتى جۇمىسقا ورنالاسقان.
جالپى جاستار اراسىنداعى جۇمىسسىزدىق دەڭگەيى 2015 جىلمەن سالىستىرعاندا 2 پايىزعا ازايىپ وتىر. سونىمەن قوسا, «جاسىل ەل» باعدارلاماسى بويىنشا 2016 جىلعى جۇمىس ماۋسىمىندا 1350 جاس اباتتاندىرۋ جانە كوگالاندىرۋ بويىنشا جۇمىستارمەن قامتاماسىز ەتىلگەن. ال, ستۋدەنتتەردىڭ جازعى دەمالىس ۋاقىتىن ءتيىمدى پايدالانۋ ماقساتىندا «ستۋدەنتتىك قۇرىلىس جاساقتارىنا» قۇرىلىس ماماندىعىندا ءبىلىم الاتىن 500 ستۋدەنت قامتىلىپ, 12 مەردىگەر كومپانيالاردا جۇمىستار اتقاردى. ايتا كەتەيىك, جالپى وبلىستا 762 124 جاس بولسا, ونىڭ ىشىندە 116 220-سى ستۋدەنت جاستاردى قۇراپ وتىر.