قىزىلوردا وبلىسىنىڭ پەريناتالدىق ورتالىعىنا جاڭا تۋعان سابيلەرگە ارنالعان جاڭا مەديتسينالىق جابدىق تاپسىرىلدى, دەپ حابارلادى وبلىس اكىمدىگىنىڭ ءباسپاسوز قىزمەتى.
قىزىلوردا وبلىسىندا Atom Transcapsul V-808 كولىك ينكۋباتورىنىڭ ەكەۋى قالاداعى پەريناتالدىق ورتالىققا جەتكىزىلدى. ومىرلىك ماڭىزى زور قوندىرعىنىڭ قۇنى 48 300 000 تەڭگەنى قۇراپ وتىر.
«ايتالىق, 2015 جىلى 198 نارەستە شەتىنەپ كەتكەن. ولاردىڭ 74 پايىزى شالا تۋعان سابيلەر. ال وتكەن جىلى 7 ايدا 79 بالاعا نەوناتولوگتاردىڭ شۇعىل كومەگى قاجەت بولدى. 62 نارەستە وبلىستىق پەريناتالدىق ورتالىققا تاسىمالدانسا, 17 ءسابيدى اۋداندىق اۋرۋحانالاردا ەم العان. ينكۋباتورلار نارەستەلەردى, اسىرەسە شالا تۋعان تۋعان سابيلەردى وبلىستىق پەريناتالدىق ورتالىققا تاسىمالداۋ كەزىندە ولاردى قورشاعان ورتانىڭ اسەرىنەن قورعاپ, بالانىڭ ءومىرىن امان ساقتاپ, ونىڭ ءارى قاراي ءوسىپ جەتىلۋى ءۇشىن قاجەتتى ورتانى جاساپ بەرەدى», - دەدى قىزىلوردا وبلىسىنىڭ دەنساۋلىق ساقتاۋ باسقارماسىنىڭ جەتەكشىسى اقمارال ءالنازاروۆا.