«استانا» فۋتبول كلۋبى مەن مەن كونگو دەموكراتيالىق رەسپۋبليكاسىنىڭ شابۋىلشىسى جۋنيور كابانانگا گابون ەلىندە ءوتىپ جاتقان افريكا ۇلتتار كۋبوگىنىڭ ۇزدىك سۇرمەرگەندەر تىزىمىندە كوش باستاپ تۇر.
كابانانگانىڭ توپتىق كەزەڭنىڭ ءۇش ويىنىندا ءۇش گول سالىپ ۇلگەردى. وسى كورسەتكىشپەن ول ەۋروپانىڭ ۇزدىك ۇجىمدارىندا وينايتىن رياد مارەز, يسلام سليماني (ەكەۋى دە الجير), ساديو مانە (سەنەگال), پەر-ەمەريك وبامەيانگ (گابون) جانە نايم سليتي سىندى فۋتبولشىلاردىڭ الدىنا شىعىپ, ءتۋرنيردىڭ ۇزدىك سۇرمەرگەنى اتانىپ تۇر.
كونگو در قۇراماسى توپتىق كەزەڭنىڭ قورىتىندىسى بويىنشا 7 ۇپاي جيناپ, ءبىرىنشى ورىنمەن ءتۋرنيردىڭ پلەي-وفف كەزەڭىنە شىقتى.
ايتا كەتەيىك, «استانا» ويىنشىسى العاشىندا قۇرامانىڭ ناقتى تىزىمىنە ىلىنبەگەن, الايدا تاعى ءبىر ويىنشىنىڭ جاراقات الىپ قالۋىنا بايلانىستى باس باپكەر فلوران يبەنجە كابانانگانى كەرى قايتارۋ تۋرالى شەشىم قابىلدايدى.