تايلاندتىڭ وڭتۇستىك پروۆينتسيالارىندا سۋ تاسقىنىنان قۇربان بولعاندار سانى 85-كە جەتتى, دەپ حابارلادى "حابار 24". تاعى 4 تۇرعىن ءىز-ءتۇزسىز جوعالىپ كەتكەن.
ال تابيعي اپاتتان جاپا شەككەندەر قاتارى 1 ميلليون 700 مىڭ ادامنان استام. توتەنشە جاعداي جونىندەگى ورتالىقتىڭ باسشىسى چانچاي پروملەتتىڭ ايتۋىنشا, كەيبىر پروۆينتسيالاردا سۋ دەڭگەيى تومەندەگەنىمەن, ءبىراز وڭىرلەر ءالى سۋ استىندا قالىپ وتىر. ال ناراتحيۆات وڭىرىندە توتەنشە جاعداي جاريالاندى. دەگەنمەن, پحۋكەت, كرابي ايماعى مەن سامۋي جانە پحانگان ارالدارىنا كوپ زيان كەلە قويماعان. بۇل جەرلەردە تۋريستىك نىساندار قالىپتى جاعدايدا جۇمىس ىستەپ جاتىر.
ايتا كەتكەن ءجون, تايلاندتىڭ وڭتۇستىگىندەگى سۋ تاسقىنى وسى ايدىڭ العاشقى كۇندەرىنەن باستالعان تولاسسىز نوسەر سالدارىنان تۋىنداعان.