سەمەي قالاسىنىڭ اكىمى ەرماك ءسالىموۆ كراسنىي كوردون ىقشاماۋدانىنداعى اۋلالارىن سۋ العان تۇرعىندارمەن كەزدەسىپ, ولاردىڭ ءتىلسىز جاۋدىڭ تۇتقىنىندا قالعان ۇيلەرىنىڭ جاعدايىمەن تانىستى. ايتا كەتەيىك, وتكەن اپتانىڭ سوڭعى كۇندەرىندە قالانىڭ جەكە سەكتورىنداعى بىرنەشە ءۇيدىڭ اۋلاسىن سۋ باسقان بولاتىن. كەيبىر ۇيلەردىڭ تۇرعىندارى باسپانالارىن تاستاپ تا ۇلگەرگەن ەدى.
تۇرعىنداردىڭ ايتۋىنشا, مۇنداي جاعداي العاش رەت بولىپ وتىرعان جوق. ولار بۇعان سۋ جۇرەتىن ارنالاردىڭ دۇرىس ءارى دەر كەزىندە تازالانباۋى سەبەپ بولعانىن ايتادى. كەيبىر تۇرعىنداردىڭ سۋ ارنالارىنا قوقىس تاستايتىنى دا جاعدايدى كۇردەلەندىرىپ وتىرعان سىڭايلى.
«سۋ باسقان تۇرعىن ۇيلەردى ارالاپ شىقتىق. جاعداي تۇسىنىكتى بولعان سەكىلدى» دەگەن قالا اكىمى ءتيىستى ورىندارعا تەز ارادا قاراعايلى, كوروتكايا, دالنيايا, ومسكايا, گريششەنكو كوشەلەرىندەگى سۋ جۇرەتىن ارىقتاردى مۇقيات تازارتۋدى تاپسىردى.
قازىر توتەنشە جاعدايعا بايلانىستى ارنايى جۇمىس توبى قۇرىلىپ, ءمان-جايدى انىقتاپ جاتىر.
ازامات قاسىم, «ەگەمەن قازاقستان»
شىعىس قازاقستان وبلىسى.