2016 جىلى الەم بويىنشا جەكە سەكتوردىڭ ينفراقۇرىلىمدىق جوبالاردى قارجىلاندىرۋى 14% ءوسىپ, رەكوردتىق 413 ملرد دوللارعا جەتتى, دەپ جازادى Preqin.
ال وسى سالادا جاسالعان كەلىسىمشارتتار سانى الدىڭعى جىلعى كولەمدە ساقتالىپ وتىر, ياعني 1772 جوبا بويىنشا كەلىسىمشارت جاسالعان. بۇل ءوز كەزەگىندە جوبا سانى وسپەگەنىمەن, ونداعى قارجى كولەمىنىڭ ۇلعايعانىنان حابار بەرەدى. جالپى, 2013 جىلدان بەرى وسى سالادا جاسالعان كەلىسىمشارتتار 1700-1800 ارالىعىندا.
«سوڭعى ونجىلدىقتا ينفراقۇرىلىمعا دەگەن سۇرانىس ارتتى. سول ءۇشىن سالادا باسەكەلەستىك پايدا بولدى», — دەيدى Preqin قىزمەتكەرى توم كارر. اتاپ ايتار بولساق, دامۋشى ەلدەردەگى ينفراقۇرىلىمدىق جوبالار ينۆەستورلاردىڭ قىزىعۋشىلىعىن تۋدىرىپ وتىر.
قازىر ينفراۇرىلىمعا ينۆەستور تابۋ وڭايلاعان. ويتكەنى ءىرى قورلار ميللياردتاعان دوللارلىق ينفراقۇرىلىمدىق قورلار ۇيىمداستىرۋدا. توم كارردىڭ ايتۋىنشا, 2017 جىلى دا ينفراقۇرىلىم سالاسىنداعى ءوسىم قارقىنى ساقتالماق.
ينفراقۇرىلىمدىق جوبالارعا دەگەن قىزىعۋشىلىق جوعارى بولعانىمەن, ينۆەستورلار ءبىرىنشى كەزەكتە قايتارىمى تەز اۋەجاي, اقىلى جول سەكىلدى جوبالارعا باسىمدىلىق بەرەدى.
زەينەتاقى قورى مەن ءىرى كومپانيالاردىڭ اكتيۆىن باسقارۋشى كومپانيالار سەكىلدى ءىرى ينۆەستورلار ەۋروپادا ينفراقۇرىلىمدىق ساياساتتىڭ وزگەرگەنىن كۇتىپ وتىر. 2016 جىلى ەۋروپادا قۇنى 97 ملرد تەڭگە بولاتىن 555 جوبا قولعا الىنعان.
اد ازيادا بىلتىر كەلىسىمشارت سانى رەكوردتىق دەڭگەيگە جەتىپ, 131 ملرد دوللاردىڭ 552 جوباسى باستالدى.