اقش پرەزيدەنتى دونالد ترامپ اقش-تىڭ ترانس-تىنىق مۇحيتى ارىپتەستىگى ساۋدا ۇيىمىنان شىعاتىنى تۋرالى قاۋلىعا قول قويدى, دەپ جازادى BBC.
ترامپ ءوزىنىڭ سايلاۋالدى باعدارلاماسىندا دا پرەزيدەنت بولسا, الدىمەن اقش-تى وسى ۇيىمنان الىپ شىعاتىنىن مالىمدەگەن. ونىڭ پىكىرىنشە, 12 ەلدىڭ بىرلەسكەن بۇل ساۋدا ۇيىمى اقش ەكونوميكاسى ءۇشىن كەرى اسەر ەتۋدە.
ەستەرىڭىزگە سالا كەتەيىك, ازيا مەن امەريكا ەلدەرىنىڭ قۇرعان ترانس-تىنىق مۇحيتى ارىپتەستىگى وباما ساياساتىنىڭ باسىم باعىتتارىنىڭ ءبىرى بولعان.
ترامپتىڭ ويىنشا, ول ۇيىمنان گورى وعان مۇشە مەملەكەتتەرمەن جەكە-جەكە كەلىسىمگە كەلۋ اقش ەكونوميكاسى ءۇشىن اناعۇرلىم ءتيىمدى بولماق.
ايتا كەتەيىك, 2016 جىلدىڭ اقپانىندا قۇرىلعان ازيا-تىنىق مۇحيتى ءوڭىرىنىڭ 12 ەلى بىرىگىپ قۇرعان ساۋدا ۇيىمىنا جاپونيا, كانادا, اۆستراليا, جاڭا زەلانديا, مەكسيكا, پەرۋ, چيلي, مالايزيا, برۋنەي, سينگاپۋر جانە ۆەتنام كىرەدى. بۇل ەلدەر الەم ەكونوميكاسىنىڭ 40 پايىزىنا يە.