مەملەكەت باسشىسى نۇرسۇلتان نازارباەۆ الماتى قالاسىنىڭ اكىمى احمەتجان ەسىموۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
ا.ەسىموۆ پرەزيدەنتتى مەگاپوليستىڭ الەۋمەتتىك-ەكونوميكالىق دامۋ بارىسى, كولىك ينفراقۇرىلىمىن دامىتۋ, قالانىڭ يندۋستريالىق جوبالارىن ىسكە اسىرۋ, تاياۋدا بولىپ وتكەن VII قىسقى ازيا ويىندارى قارساڭىندا تۇرعىزىلعان الماتىنىڭ سپورتتىق ينفراقۇرىلىمىن دامىتۋ تۋرالى حاباردار ەتتى.
كەزدەسۋدىڭ قورىتىندىسى بويىنشا مەملەكەت باسشىسى الماتى قالاسىنىڭ اكىمىنە بىرقاتار تاپسىرما بەردى.
* * *
كەشە مەملەكەت باسشىسى نۇرسۇلتان نازارباەۆ الماتىداعى رەزيدەنتسياسىندا الماتى وبلىسىنىڭ اكىمى سەرىك ۇمبەتوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
س.ۇمبەتوۆ پرەزيدەنتكە ءوڭىردىڭ الەۋمەتتىك-ەكونوميكالىق دامۋ بارىسى تۋرالى, سونداي-اق مەملەكەت باسشىسىنىڭ قازاقستان حالقىنا جولداۋىندا بەرگەن الەۋمەتتىك جاڭعىرتۋ جانە وبلىستىڭ يندۋستريالىق-يننوۆاتسيالىق دامۋ باعدارلاماسىن ىسكە اسىرۋ ءجونىندەگى تاپسىرماسىنىڭ ورىندالۋى تۋرالى باياندادى.