قايسار جاندار قاسىمىزدا

قىزىلوردا وڭىرىندە 27 000 مۇمكىندىگى شەكتەۋلى جان بار. سونىڭ 1 800-گە جۋى­عى ءبىرىنشى توپتاعى ءمۇ­گەدەك. تاعدىردىڭ جازۋىنا بوي بەرمەي, ارقايسىسى ءدۇ­نيەنىڭ تەتىگىنە كىرپىش بو­لىپ قالانعىسى كەلەدى. سە­بە­بى, بويدا قان تاسىعان سوڭ, پەن­دە شىركىن جاسىمايدى ەكەن. وسى ورايدا, قولارباعا تا­ڭىلعانىنا قاراماستان, ءومىر­گە دەگەن قۇل­شىنىسىن ارتتىرا بىلگەن تامارا اس­قارقىزىن ايتپاي كەتۋگە بول­ماس. ول «تالسۋاتتاعى» ءمۇ­گە­دەك­تەردى وڭالتۋ ورتا­لى­عى­نا قول­اربادا وتىرىپ قال­ماي, اياققا تۇرامىن دەگەن نيەتپەن كەلگەن ەدى. سول ماقساتىنا جە­تە ءبىلدى. وڭالتۋ ورتا­لى­عىندا مۇمكىندىگى شەك­تەۋلى جاندارعا ءومىر اعى­مى­نان قالىس قالماي, كا­سىبىن اشۋعا مۇمكىندىك بار. تامارا اسقارقىزى دا جەكە جوباسىن ىسكە اسىرۋدى ويلادى. ورتالىق قىزمەتكەرلەرى «دامۋ» كاسىپكەرلىكتى دامىتۋ قورىنىڭ ماماندارىمەن كەزدەسۋ ۇيىمداستىرىپ, ولاردىڭ كەڭەسىن الىپ, ءوز ءىسىن اشۋعا تالپىندى. 12 ادام قاتىسقان كونكۋرستا ونىڭ «قۇس جاستىقتاردى تازالاپ, قالپىنا كەلتىرۋ» جوباسى ۇزدىك دەپ تانىلىپ, 1 000 000 تەڭگە قايتارىمسىز گرانتقا قول­ جەتكىزدى. رەسەيدەن جاب­دىق­تار الىپ, قازىرگى كۇن­دە ءوڭى­رىمىزدە جوق بيزنەس اشىپ, شيەلى اۋدانىندا جۇمىسىن دوڭگەلەتىپ وتىر. سونىمەن قاتار, ورتا­لىق قىز­مەتكەرلەرىنىڭ ۇيىم­داس­تى­رۋىمەن تامارا اس­قارقىزى «شەكتەۋسىز ءمۇم­كىن­دىك» اتتى شارا وتكىزىپ, قول­عا العان كاسىبى جايىن­دا كەڭىنەن اڭگىمەلەپ بەردى. ءوز كاسىبىن اشقىسى كەلگەن ازا­ماتتارعا, جاستارعا جاس­قان­باي, ۇكىمەت تاراپىنان كور­سە­تىلىپ جات­قان قولداۋدى پايدا­لانۋ كەرەك ەكەنىن ءتۇسىندىردى. ءىس-شارا كونتسەرتتىك باع­دار­لاماعا ۇلا­سىپ, تامارا اسقار­قى­زى­نىڭ ورىن­داۋىنداعى «ىڭكارىم-اي», «ياپىر-اي» اندەرىن جي­نال­عان قاۋىم ۇيىپ تىڭداپ, ءبىر مار­قاي­ىپ قالدى. تاعدىرلاس بولعان سوڭ بۇل كىسىنىڭ جەتكەن جەتىستىگىن جا­­زۋدى ءجون كوردىم. قاتا­رى­مىزدا قايسار جاندار بار ەكە­نىن باس­قالار دا ءبىلسىن دەگەن وي مەنى وسى ماقالانى جازۋعا جەتەلەدى. زاۋرە ۇكسىنباەۆا, ءى توپتاعى مۇگەدەك قىزىلوردا وبلىسى