ەل وركەنى – بەيبىتشىلىكتە

اتاپ ايتقاندا, ۇمىت­كەر  قازاق­ستاندا اتوم ەلەكتر ستانساسىن سالۋ ماسەلەسى باق-تاردا ءتيىستى دەڭگەيدە كورسەتىلمەي وتىرعاندىعىنا, عى­لى­مي ورتادا پىكىرتالاسقا سا­لىن­بايتىنىنا الاڭداۋ­شى­لىق ءبىلدىردى. سونىمەن بىرگە, اەس سالۋ جانە ونى تەحنو­لو­گيالىق جاعىنان قامتا­ما­سىز ەتۋ جايلى تەك ءبىر تاراپپەن – رەسەيلىكتەرمەن عانا كەلىسسوز جۇر­گى­زىلۋى دە ويلاندىرماي قويمايدى. اي­تالىق, بەيبىت اتومدى پايدالانۋ, ونىڭ ساباقتاس ينفراقۇرىلىم­دا­رىن جاساۋ تاجىريبەسى فرانتسۋزدىڭ «فروماتوم» كومپانياسىندا دا بار. ونىڭ ونىمدەرىن گەرمانيا, اقش, سكانديناۆيا ەلدەرى, قىتاي ساتىپ الاتىن كورىنەدى. ع.قاسىموۆ وسى ماسەلەلەر بويىنشا ۇكىمەت تۇسىنىك­تەمەسىن كۇتەتىنىن اتاپ كورسەتتى.

وسى پروبلەمالار اياسىندا كەزدەسۋگە قاتىسۋشىلار الدىندا «نەۆادا-سەمەي» قوزعالىسىنىڭ پرەزيدەنتى ولجاس سۇلەيمەنوۆتىڭ قولى قويىلعان جاپونيا حالقىنا كوڭىل ايتقان ءماتىن وقىلدى. قازاقستاندا 80-ءشى جىلداردىڭ اياعىندا قۇرىل­عان حالىقتىق قوزعالىس سەمەي يادرولىق پوليگونىن جابۋ جونىندە ۇلان-عايىر جۇمىستار تىندىردى, ول ءوز قاتارىنا ميلليوننان استام قازاقستاندىق ازاماتتاردى بىرىكتىرىپ, الەمدىك بەدەلگە يە بولعان ەدى. قازىردە اقيىق اقىن ولجەكەڭ مەن قوزعالىس بەلسەندىلەرى بەيبىتشىلىك ەستافەتاسىن جاستارعا امانات­تاپ جۇكتەپ بەرۋ جونىندە باستاما كوتەردى. «قازاقستان جاستارى يادرولىق قارۋعا قارسى!» ۇندەۋىنىڭ سوڭىنا ميلليوننان استام قول جينالدى. ىنتالى توپ بۇل باستاما الەمنىڭ كوپ ەلدەرىندە قولداۋ تاباتىنىنا سەنىمدى. پاتريوتتار پارتياسى اتىنان ءسوز العان عاني قاسىموۆ تا ناق وسى اكتسياعا قوسىلدى. پرەزيدەنتتىكتەن ۇمىتكەر ازاماتتاردىڭ قاۋىپسىزدىگى ءوزىنىڭ ساياسي قىزمەتىنىڭ باستى باعىتى ەكەندىگىن قاداپ ايتتى. ءبىز وسى ماسەلەگە كوبىرەك كوڭىل بولۋگە, قاۋىپسىزدىك جۇيەسىنە مەملەكەت قارجىسىن كوپتەپ سالۋعا ءتيىسپىز, دەپ قورىتتى ول ويىن.

قورعانبەك امانجول.

الماتى.