برەنت ماركالى مۇناي باعاسى لون قور بيرجاسىندا 7 قاڭتاردان بەرى 56,60-57,20 دوللار ءدالىزى ارالىعىندا اۋىتقۋدا.
وتكەن اپتا باسىندا كۋۆەيت, ومان مەن يراكتىڭ مۇناي ءوندىرىسىن ازايتۋ تۋرالى وپەك+ كەلىسىمىن جۇزەگە اسىرا باستاعانى تۋرالى مالىمەتتەن كەيىن شيكىزات قۇنى وسى دەڭگەيگە دەيىن كوتەرىلگەن ەدى.
بۇدان بولەك وپەك ەكسپورتىنىڭ ۇشتەن بىرىنە يە ساۋد ارابياسى دا اتالعان كەلىسىمشارت تالاپتارىن ورىنداۋعا كىرىسىپ كەتكەنىن حابارلادى. جىل باسىنان بەرى تاۋلىگىنە 20 مىڭ باررەل ازايتۋعا كەلىسكەن قازاقستان دا وتكەن اپتادان بەرى مۇناي ءوندىرىسىن ازايتتى.
ءىرى ەكسپورتتاۋشىلاردىڭ وپەك+ كەلىسىمىن ساقتاۋى ناتيجەسىندە شيكىزات قۇنى ءبىر قالىپقا تۇسكەنگە ۇقسايدى.
بۇل ءوز كەزەگىندە ۇلتتىق ۆاليۋتانىڭ دا تۇراقتالۋىنا جول اشتى. قازىر KASE-ءنىڭ تاڭعى سەسسيا قورىتىندىسى بويىنشا, تەڭگەنىڭ دوللارعا شاققانداعى باعامى 330,12 شاماسىندا.