«استانا» مەن يسپانيانىڭ «ۆالەنسيا» كوماندالارى نەمانيا ماكسيموۆيچ ترانسفەرى جونىندە رەسمي تۇردە كەلىسسوزدەر جۇرگىزبەگەن. بۇل تۋرالى vesti.kz حابارلادى.
«قازىرگى ۋاقىتتا ماكسيموۆيچتىڭ وزگە كلۋبقا اۋىسقاندىعى تۋرالى ەشقانداي قۇجاتقا قول قويىلعان جوق. بۇل ءىس جۇزەگە اسقان كەزدە رەسمي تۇردە ءوز سايتىمىزدا حابارلايتىن بولامىز», – دەدى «استانانىڭ» ءباسپاسوز قىزمەتى.
بۇعان دەيىن 21 جاستاعى سەرب ويىنشىسى «ۆالەنسيا» ۇجىمىمەن الدىن الا ۋاعدالاسقان. ونىڭ «استانامەن» جاسالعان كەلىسىمى وسى جىلدىڭ ماۋسىم ايىندا اياقتالۋىنا بايلانىستى ەلوردالىقتار بۇل ترانسفەر ءۇشىن 300 مىڭ ەۋرو عانا الۋى مۇمكىن.