شىمكەنتتە قاراپايىم ينجەنەر مەن دانەكەرلەۋشى سيىردىڭ قيىنان بيوگاز الاتىن ءمودۋلدى جۇيەنى جاساپ شىقتى, دەپ حابارلايدى حابار24.
وزگە جوبالاردان ەرەكشەلىگى, قوندىرعى تولىقتاي قولمەن قۇراستىرىلعان. وعان قوسا, قيدى جەيتىن باكتەريانى دا وزدەرى تاپتى. قوس ونەر يەسى 30 توننالىق العاشقى رەاكتوردى اشىق اسپان استىندا قۇراستىرىپتى. قوندىرعى اۋا رايىن تالعامايدى. ياعني جىل 12 اي جۇمىس ىستەي بەرەدى. ءبىر ەرەكشەلىگى, شيكىزات رەتىندە تەك ءىرى قارا مالدىڭ قيىن عانا قولدانادى. ويتكەنى ودان بولىنەتىن مەتان قومىرقىشقىل گازىنا قاراعاندا قورشاعان ورتاعا الدەقايدا زياندى ەكەن.
"ورتا ەسەپپەن 30 توننادان كۇنىنە 480 كۋب تازا مەتان اۋاعا كەتەدى. ول جوعارى ازون قاباتىن بىلعاپ, قورشاعان ورتاعا زيانى وتە كۇشتى. مەتان كومىرقىشقىل گازىنا قاراعاندا 28 ەسە قورشاعان ورتاعا زياندى. سوندىقتان مالاقتى پايدالانىپ جاساپ جاتىرمىز," - دەيدى ينجەنەر-ەلەكترونشى سالاۋات داۋىلباەۆ.
قوندىرعىنىڭ قۇرىلىمى وتە قاراپايىم. كادىمگى قيعا سۋ قوسىلىپ, جابىق بوشكەنىڭ ىشىندە ارالاستىرىلادى. سول كەزدە ونىڭ قۇرامىنداعى مەتان بولىنەدى. 1 توننا بيوماسسادان 27 كۋب مەتان الىنادى ەكەن. بوشكەدەگى گاز 18 كۇن بويى جانىپ تۇرادى. «ءمودۋلدى جۇيە شاعىن اۋىل مەن ءوندىرىستى تۇتاستاي گازبەن قامتۋعا جەتەدى», - دەيدى ونەرتاپقىشتار.
"مەتاننىڭ تازالىعى 75-80%. وڭايلىقپەن كوزگە كورىنبەيدى. سىزدەرگە قاعازدى وتالدىرۋ ارقىلى كورسەتەيىن. اراسىندا كىشكەنە كومىرسۋتەك بار. بايقاعان شىعارسىزدار, قىزىل بولىپ جانىپ تۇرعان سول كومىرسۋتەك. ودان كەيىن اممياك بولادى. ولاردى ارنايى قوندىرعى ارقىلى الىپ تاستاي الامىز," - دەيدى ينجەنەر-ەلەكترونشى سالاۋات داۋىلباەۆ.
جاڭا جۇيەنىڭ سىزباسىن وزدەرى جاساعان. تسيستەرنانىڭ ىشىنە قيدى ارالاستىراتىن ۇزىندىعى 8, ەنى ەكى مەتر بولاتىن بىلتە تەمىرى مەن قالاقشا ورناتىلعان. كوبىنە شىرىمەيتىن تەمىر قولدانىلعان. دانەكەرلەۋ جۇمىسى اسقان ۇقىپتىلىقتى قاجەت ەتەدى. «سەبەبى ينەنىڭ جاسۋىنداي تەسىك قالسا, بار جۇمىس زايا كەتەدى», - دەيدى دانەكەرلەۋشى اسلان تۇرسىنحانوۆ.