پارلامەنت سەناتىنىڭ توراعاسى قاسىم-جومارت توقاەۆ بۇۇ باس حاتشىسىنىڭ ارنايى وكىلى, بۇۇ-نىڭ ورتالىق ازياداعى ايماقتىق بىتىمگەرلىك ديپلوماتيا ورتالىعىنىڭ باسشىسى ميروسلاۆ ەنچانى قابىلدادى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا قازاقستاننىڭ بۇۇ جانە ونىڭ قۇرىلىمدىق بولىمدەرىمەن ىنتىماقتاستىعىن ودان ءارى دامىتۋ ماسەلەلەرى بويىنشا پىكىر الماسىلدى. ايماقتىق ورتالىقتىڭ قىزمەتىن جوعارى باعالاي كەلىپ, توراعا ورتالىقتىڭ بۇۇ ءجۇيەسىندەگى ءتيىمدى ينستيتۋت بولىپ تابىلاتىنىن اتاپ ءوتتى.
قازاقستان رەسپۋبليكاسى مەن بۇۇ-نىڭ ءوزارا بەلسەندى ءىس-قيمىلىن اتاپ وتە كەلىپ, ق.توقاەۆ پرەزيدەنت ن.نازارباەۆتىڭ باستاماسى بويىنشا قۇرىلعان ورتالىق قىزمەتىنە قازاقستاننىڭ جان-جاقتى قولداۋ بىلدىرەتىنىن ايتتى.
بۇۇ-نىڭ ورتالىق ازياداعى ايماقتىق بىتىمگەرلىك ورتالىعى 2007 جىلى 10 جەلتوقساندا اشعابادتا اشىلعان بولاتىن. ايماقتاعى ەلدەردىڭ ۇكىمەتتەرى حالىقارالىق تەرروريزم مەن ەكسترەميزم, ەسىرتكى ساۋداسى, ۇيىمداسقان قىلمىس پەن قورشاعان ورتانىڭ جاعدايى ناشارلاۋىمەن بىرگە, ورتالىق ازياعا تونەتىن كوپتەگەن قاتەرلەردى نازارعا الدى.