بۇگىن رەسپۋبليكانىڭ باسىم بولىگىندە اۋا رايى جاۋىن-شاشىنسىز بولادى, اتموسفەرالىق فرونتالدى بولىكتەردىڭ وتۋىمەن ەلدىڭ سولتۇستىگىندە تۇراقسىز كۇن رايى كۇتىلەدى, قار جاۋادى. كەي جەرلەردە تۇمان, كوكتايعاق, بۇرقاسىن بولىپ, جەل كۇشەيەدى, دەپ حابارلايدى «قازگيدرومەت».
سولتۇستىك قازاقستان وبلىسىنىڭ كەي جەرلەرىندە بۇرقاسىن, تۇمان بولىپ, 15-20 م/س-پەن سوققان جەلدىڭ ەكپىنى كەي جەرلەردە 23 م/س-قا جەتەدى.
اقمولا, قوستاناي وبلىستارىنىڭ كەي جەرلەرىندە بۇرقاسىن, تۇمان, كوكتايعاق كۇتىلەدى, جەلدىڭ جىلدامدىعى - 15-20 م/س.
جامبىل, وڭتۇستىك قازاقستان, اتىراۋ, اقتوبە وبلىستارىنىڭ جەكەلەگەن جەرلەرىندە تۇمان كۇتىلەدى, جەل 15-20 م/س كۇشەيەدى, اتىراۋ وبلىسىنىڭ كەي اۋماقتارىندا كوكتايعاق بايقالادى.
الماتى وبلىسىنىڭ جالاڭاشكول اۋدانىندا جەلدىڭ كۇشى 18-23 م/س-قا ارتادى, تۇندە كەي جەرلەرىندە تۇمان بولادى.
ماڭعىستاۋ, پاۆلودار, باتىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى, پاۆلودار وبلىسىندا جاياۋ بۇرقاسىن بايقالادى.
قىزىلوردا, قاراعاڭدى, شىعىس قازاقستان وبلىستارىنىڭ كەي بولىكتەرىندە تۇمان كۇتىلەدى.