ەلوردادا «ايالاعان استانا - 2017» بالالار بايقاۋىنا وتىنىمدەر قابىلداۋ باستالدى. استانا قالاسى اكىمدىگىنىڭ قولداۋىمەن وتەتىن بايقاۋ «استانا EXPO-2017» حالىقارالىق مامانداندىرىلعان كورمەسىنە ارنالادى, دەپ حابارلادى استانا اكىمدىگىنىڭ ءباسپاسوز قىزمەتى.
بايقاۋعا رەسپۋبليكا تاراپىنان 7 مەن 13 جاس ارالىعىنداعى ءانشى بالالار شاقىرىلادى. وتىنىشتەر 2017 جىلدىڭ 15-ءى اقپانىنا دەيىن ayalagan.astana2017@mail.ru ەلەكتروندى پوشتاسى بويىنشا قابىلدانادى.
ايتا كەتەيىك, العاش رەت «ايالاعان استانا» بايقاۋى 2013 جىلى استانا قالاسىنىڭ 15-جىلدىعىنا اياسىندا وتكىزىلدى. بايقاۋدىڭ باستى ماقساتى رەسپۋبليكا بويىنشا جاس دارىندى انشىلەردى تاۋىپ, ولاردىڭ ونەرىن بارشا حالىققا تانىستىرۋ. «ايالاعان استانا» بايقاۋىنىڭ جەڭىمپازى «دەتسكايا نوۆايا ۆولنا» حالىقارالىق بايقاۋىندا قازاقستان نامىسىن قورعايتىن بولادى.