استانادا وتكەن «يندۋستريا 4.0 جانە وندىرىستەگى ولشەمدەر" اتتى سەميناردا گەرمانيالىق ساراپشىلار الدىڭعى قاتارلى ءوندىرىس تەحنولوگيالارىن ەنگىزۋدىڭ جاڭا تاسىلدەرىن ۇسىندى, دەپ حابارلايدى egemen.kz BNews.kz - كە سىلتەمە جاساپ.
قر ينۆەستيتسيالار جانە دامۋ مينيسترلىگى ۇيىمداستىرعان شارادا گەرمانيانىڭ فەدەرالدى فيزيكو-تەحنيكالىق ينستيتۋتىنىڭ "وندىرىستىك مەترولوگيانى دامىتۋعا ىقپالداسۋ" جوباسى اياسىندا «يندۋستريا 4.0» دەڭگەيى قاراستىرىلدى. ول ءوندىرىستى تەك ماشينا مەن ادام اراسىندا عانا ەمەس, ماشينالاردىڭ ءوزارا ارەكەتتەسۋى ارقىلى جۇزەگە اسىرۋدى كوزدەيدى.
"ۇلتتىق مەترولوگيالىق ينستيتۋت گەرمانياداعى ولشەمدەر دالدىگىن قامتاماسىز ەتەدى. ول ەكونوميكالىق ونىمدىلىكتىڭ تيىمدىلىگىن ارتتىرىپ, يننوۆاتسيالار مەن جاڭا تەحنولوگيالاردى دامىتۋعا سەپتىگىن تيگىزەدى. سونىمەن قاتار ادىستەمە مەن ينفراقۇرىلىم سالاسىنداعى حالىقارلىق سەرىكتەستىكتەر ورناتادى. بۇل جۇمىستىڭ ماقساتى - الەمدەگى ولشەمدەردىڭ بىرىزدىلىگىن قالىپتاستىرۋ, ارىپتەس ەلدەردە, سونىڭ ىشىندە قازاقستاندا ەكونوميكالىق دامۋدىڭ تۇراقتىلعىن قامتاماسىز ەتۋ. ساپا ءۇشىن ماڭىزدى ەلەمەنتتەر - ءوندىرىس مەترولوگياسى جانە ستاندارتتاۋ", - دەدى گەرمانيادان كەلگەن كووريدناتور كوريننا ۆايگەلت.
سونىمەن قاتار سەميناردا فراۋنحوفەر اتىنداعى ءوندىرىستى اۆتومانتتاندىرۋ ينستيتۋتىنىڭ مامانى كريستيان تويچ سويلەدى. ول قازاقساتاندىق ماماندارعا گەرمانيا تاجىريبەسى مەن ونىڭ نەگىزگى ەرەكشەلىكتەرى تۋرالى ايتتى.
وسىنداي شارالار وتاندىق كاسىپورىن وندىرىستەرىنە جاڭا تەحنولوگيالاردى ەنگىزۋگە قاجەتتى قۇقىقتىق بازا جاساۋعا سەپتىگىن تيگىزە الادى.