بۇگىنگى كۇنى قازاقستان شەتەلدىك مەملەكەتتەرمەن ادامداردى ەكستراديتسيالاۋ, قىلمىستىق ىستەر بويىنشا ءوزارا قۇقىقتىق كومەك كورسەتۋ, سونداي-اق سوتتالعانداردى تاپسىرۋ تۋرالى حالىقارالىق شارتتار جاساسۋ بويىنشا 50-دەن استام ەكىجاقتى شارت جاساستى. ولاردىڭ 27-سىنە سوڭعى بەس جىل ىشىندە قول قويىلعان. قول قويعان ەلدەر قاتارىندا ءۇندىستان, اقش, قىتاي, ۇلىبريتانيا سەكىلدى الەمدىك دەرجاۆالار بار.
جالپى, باس پروكۋراتۋرا قىلمىسقا قارسى كۇرەس, ازاماتتاردىڭ قۇقىقتارى مەن قۇقىقتىق ءتارتىپتى قامتاماسىز ەتۋ ماسەلەلەرى بويىنشا شەتەلدىك قۇقىق قورعاۋ ورگاندارىمەن ءوزارا ءىس-قيمىل جاساۋعا ۋاكىلدىك بەرىلگەن مەملەكەتتىك ورگان رەتىندە, تۇراقتى نەگىزدە شەتەلدىك مەملەكەتتەرمەن ادامداردى ەكستراديتسيالاۋ, قىلمىستىق ىستەر بويىنشا ءوزارا قۇقىقتىق كومەك كورسەتۋ, سونداي-اق سوتتالعانداردى تاپسىرۋ تۋرالى حالىقارالىق شارتتار جاساسۋ بويىنشا جۇمىس جۇرگىزىپ كەلەدى. ەۋروپالىق ارىپتەستەرىمەن جۇرگىزىلگەن جۇمىس ءناتيجەسىندە ۆەنگريامەن, يسپانيامەن, يتاليامەن, رۋمىنيامەن جانە سەربيامەن حالىقارالىق شارتتاردىڭ تولىق بلوگى جاسالعان.
سونىمەن قاتار, ۇلىبريتانيامەن, موناكو كنيازدىگىمەن جانە چەحيامەن قىلمىستىق ىستەر بويىنشا قۇقىقتىق كومەك كورسەتۋ تۋرالى كەلىسىمدەرگە قول قويىلعان. بۇل رەتتە ماكەدونيانىڭ, پورتۋگاليانىڭ, حورۆاتيانىڭ, يسلانديانىڭ جانە يرلانديانىڭ ۋاكىلەتتى ورگاندارىمەن كەلىسسوزدەر ساتىسىنداعى جۇمىس جۇرگىزىلۋدە. بۇدان باسقا, ەلىمىز ەكى امەريكاارالىق كونۆەنتسيانى راتيفيكاتسيالادى. ولار – قىلمىستىق ىستەر بويىنشا قۇقىقتىق كومەك كورسەتۋ تۋرالى جانە سوتتالعان ادامداردى تاپسىرۋ تۋرالى كونۆەنتسيالار. ال قازىر ادامداردى بەرۋ تۋرالى امەريكاارالىق كونۆەنتسيانى راتيفيكاتسيالاۋ بويىنشا جۇمىس جۇرگىزىلۋدە.
اعىمداعى جىلى قازاقستان پرەزيدەنتىنىڭ شەتەلدىك مەملەكەتتەرگە رەسمي ساپارلارى شەڭبەرىندە 5 مەملەكەتارالىق شارتقا قول قويىلدى (يرانمەن سوتتالعان ادامداردى تاپسىرۋ تۋرالى كەلىسىم, سەربيامەن ادامداردى بەرۋ تۋرالى, قىلمىستىق ىستەر بويىنشا قۇقىقتىق كومەك تۋرالى جانە سوتتالعانداردى تاپسىرۋ تۋرالى شارتتار, سونداي-اق تمد-عا قاتىسۋشى مەملەكەتتەردىڭ قىلمىستىق سوت ىسىنە قاتىسۋشىلاردى قورعاۋ تۋرالى كەلىسىمىنە حاتتاما). جىل سوڭىنا دەيىن بيىلدىڭ كۇزىنە جوسپارلانعان قازاقستان پرەزيدەنتىنىڭ ساۋد ارابياسى كورولدىگىنە رەسمي ساپارى شەڭبەرىندە ساۋد ارابياسى كورولدىگىمەن 2 شارتقا (سوتتالعانداردى بەرۋ تۋرالى جانە تاپسىرۋ تۋرالى) قول قويىلدى. جانە يوردانيا كورولىنىڭ قازاقستانعا رەسمي ساپارى بارىسىندا يوردانيا حاشيميت كورولدىگىمەن 3 شارتقا (ادامداردى بەرۋ تۋرالى, قىلمىستىق ىستەر بويىنشا قۇقىقتىق كومەك تۋرالى جانە سوتتالعانداردى تاپسىرۋ تۋرالى) قول قويۋ جوسپارلانىپ وتىر. قىلمىستىق ىستەر بويىنشا ءوزارا قۇقىقتىق كومەك تۋرالى امەريكاارالىق اسەان كونۆەنتسياسىنا (10 قاتىسۋشى) قوسىلۋ بويىنشا جۇمىس جۇرگىزىلۋدە ەكەندىگىن دە ايتا كەتكەن ءجون.
ەۋروپا كەڭەسىنىڭ قىلمىستىق سوت ءىسى سالاسىنداعى ءتورت كونۆەنتسياسىنا قوسىلۋ ءۇشىن جاعدايلار جاساۋ ماقساتىندا 2015-2017 جىلدارعا ەسەپتەلگەن ەۋروپالىق وداق پەن ەۋروپالىق كەڭەس بىرلەسكەن باعدارلاما-جوسپارى ىسكە اسىرىلۋدا.
اسقار تۇراپباي ۇلى,
«ەگەمەن قازاقستان»