قازاقستان قارا التىن ءوندىرىسىن شەكتەۋ ماسەلەسىن قاراستىرۋعا ازىرگە دايىن ەمەس.
بۇل تۋرالى قر ەنەرگەتيكا ءمينيسترىنىڭ ورىنباسارى ماعزۇم مىرزاعاليەۆ مالىمدەدى, دەپ حابارلايدى egemen.kz REGNUM-عا سىلتەمە جاساپ.
«ازىرگە بۇعان كەلىسۋگە دايىن ەمەسپىز, - دەدى مىرزاعاليەۆ. - ءبىز ءۇشىن وتىرىسقا قاتىسۋ, پىكىر الماسۋ, وپەك-كە مۇشە جانە مۇشە ەمەس ەلدەردىڭ بۇعان قاتىستى كوزعاراسىن ءبىلۋ ماڭىزدى بولدى».
29 قازاندا ازەربايجان ەنەرگەتيكا مينيسترلىگىنىڭ باسشىسى ناتيك اليەۆ باق قىزمەتكەرلەرىنە مۇناي ءوندىرىسىن شەكتەۋ بويىنشا وپەك-ءتىڭ ارنايى كوميتەتىنىڭ كەلەسى وتىرىسى وسى جىلدىڭ 25-26 قاراشاسىندا وتەتىنىن حابارلاعان بولاتىن.
28-29 قازان كۇندەرى ۆەنادا مۇناي ءوندىرىسىن تاۋلىگىنە 32,5-33 ملن باررەلگە دەڭگەيىن شەكتەۋ تۋرالى كەلىسىمدى جۇزەگە اسىرۋ بويىنشا وپەك ارنايى كوميتەتىنىڭ ءبىرىنشى وتىرىسى ءوتتى.