اقپارات جəنە كوممۋنيكاتسيالار مينيسترلىگىندە ۆەدومستۆو باسشىسى داۋرەن اباەۆتىڭ توراعالىعىمەن القا وتىرىسى ءوتىپ جاتىر. جيىننىڭ ماقساتى اعىمداعى جىلدىڭ 9 ايىنداعى جۇمىسىن قورىتىندىلاۋ جəنە الداعى مىندەتتەرىن ايقىنداۋ.
وتىرىستى اشقان داۋرەن اباەۆ تəۋەلسىزدىكتىڭ 25 جىلدىعى قارساڭىندا مەملەكەتتىڭ دامۋىنداعى ەرەكشە كەزەڭدەرگە توقتالدى.
جيىن بارىسىندا تاۋەلسىزدىك العان ساتتەن باستاپ اقپارات, اقپاراتتاندىرۋ جəنە بايلانىس سالاسىنىڭ ينفراقۇرىلىمى ءىس جۇزىندە قايتادان قۇرىلعانى, 90-شى جىلداردىڭ باسىندا قازاقستاندا تەلەكوممۋنيكاتسيا جەلىلەرىندە 12,5 مىڭ شاقىرىمنان استام تالشىقتى-وپتيكالىق كابەلدى ماگيسترال سالىنعانى, 1999 جىلى قالاارالىق/حالىقارالىق بايلانىس جەلىسى 100% تسيفرلىق بولعانى ايتىلدى. سونىمەن قاتار, دۇنيەجۇزىلىك ەكونوميكالىق فورۋمنىڭ دەرەكتەرى بويىنشا قازاقستان "جەلىلىك دايىندىق" يندەكسى بويىنشا 39 ورىندا, "ينتەرنەتتى پايدالانۋشىلار تىعىزدىعى" بويىنشا 41 ورىندا, اقپاراتتىق كوممۋنيكاتسيالىق تەحنولوگيالار سالاسىنداعى زاڭنامانىڭ دامۋ دەڭگەيى بويىنشا 38 ورىندا جəنە بۇۇ رەيتينگىسىندە "ەلەكتروندىق ۇكىمەت" يندەكسى جونىنەن əلەم بويىنشا 33 ورىندا تۇر. تاعى ءبىر اتاپ وتەرلىك ماسەلە, حالىقتى كەڭجولاقتى ينتەرنەتكە قولجەتىمدىكپەن قامتاماسىز ەتۋ. بۇگىندە قازاقستان تۇرعىندارىنىڭ 73%-ى ينتەرنەتتى پايدالانادى. تۇرعىندار سانى 10 مىڭنان اساتىن جəنە ودان دا كوپ اۋىلدىق ەلدى مەكەندەردە 3G ستاندارتىنىڭ ءموبيلدى بايلانىسى ەنگىزىلسە, 4G ستاندارتى تۇرعىندار سانى 50 مىڭ جəنە ودان دا كوپ اۋىلدىق ەلدى مەكەندەردە قوسىلعان. ال 2017 جىلدىڭ سوڭىنا قاراي, ەلىمىزدىڭ بارلىق اۋدان ورتالىقتارى 4G ستاندارتىمەن قامتىلماق.
ءلايلا ەدىلقىزى