كومپوزيتور ەركەش شاكەەۆ ءوزىنىڭ قايتىس بولعان ۇلى سافار جايلى تۇسىرىلگەن «ۆسترەتيمسيا نا نەبەساح» ءفيلمىن ۇسىندى.
«بۇگىن ۇلىم جايلى تۇسىرىلگەن ءفيلمدى اياقتادىق. ەندى ونى سافاردىڭ دوستارىنا, وتباسىمنىڭ دوستارىنا ۇسىنىپ وتىرمىن. مەن جارقىن, جايدارلى جاندار جايلى, ءوزىمنىڭ ۇلكەن ۇلىم جايلى ۇنەمى ايتاتىن بولامىن», - دەپ جازعان ەركەش شاكەەۆ Facebook جەلىسىندەگى پاراقشاسىندا.
سونداي-اق, كومپوزيتور الەۋمەتتىك جەلىدەگى جازباسىندا قازاقستاندىق بوكسشى گەننادي گولوۆكينگە العىس ءبىلدىردى. ونىڭ ايتۋىنشا, سافار گولوۆكيندى جاقسى كورەتىن. «گولوۆكين-كەلل برۋك كەزدەسۋىندە بولدىم. سول كەزدەسۋگە مەنى شاقىرعان ەدۋارد كيمگە العىس ايتامىن. بارعانىما وكىنگەن جوقپىن. راقمەت ساعات, GGG. سافار سەنى جاقسى كورەتىن, سەنى ناعىز ەر ادام دەپ سانايتىن. سەنىڭ كورسەتىپ جۇرگەن قاجىر-قايراتىن ءبىز ءۇشىن ماڭىزدى. ساتتىلىك ساعان, گەننادي گولوۆكين!», - دەپ جازدى كومپوزيتور.
ەركەش شاكەەۆتىڭ ايتۋىنشا, سافار جايلى فيلمدە ونىڭ ۇلىنىڭ گەننادي گولوۆكينمەن, سەرىك ەلەۋوۆپەن جانە باقتيار ارتاەۆپەن تانىسقان ساتتەرى تۇسىرىلگەن. ايتا كەتەيىك, ءفيلمدى تۇسىرۋگە قر كاراتە فەدەراتسياسىنىڭ پرەزيدەنتى جاستالاپ ساناۋوۆ, دوسى عالىمجان جالايري, سافاردىڭ سىنىپ جەتەكشىسى اللا يارمۋحومەدوۆا, شاكەەۆتەردىڭ دوسى ەدۋارد كيم, ەربولات توگىزاقوۆ پەن باسقا ارتىستەر قاتىستى.
ايتا كەتەيىك, سافاردى ەسكە الۋ كەشىنە ەستارادا جۇلدىزدارى: جۇلدىز, كەنتال, سيتورا مەن پارۆيز نازاروۆتار, تولقىن زابيروۆا جانە ەريك تاستامبەكوۆ ءوزىنىڭ دوستارىمەن بىرگە كەلگەن. ولاردىڭ بارلىعى سافار شاكەەۆتىڭ وتباسىنا قولداۋ كورسەتىپ وتىردى. «ءبىزدىڭ دوسىمىز دانا ورمانباەۆا بىزگە ارنايى اسپاپتار مەن تەحنيكالىق قىزمەتشىلەردى ۇسىندى. امەريكادان سافاردىڭ بەس دوسى مەن ۇلىمنىڭ مەكتەپتەگى ءۇش مۇعالىمى كەلدى. (...)», - دەپ جازدى كومپوزيتور.
«مىنە, قۇرمەتتى قوناقتار, بارلىعىمىز جينالىپ, رۋحاني كەش وتكىزدىك. وسىنداي قيىن ساتتە قولداۋ بىلدىرگەندەرىڭىز ءۇشىن العىس ايتامىن! بارلىقتارىڭىزعا راقمەت! مەن سىزدەردى جاقسى كورەمى, بارلىقتارىڭىزعا تەك جاقسىلىق تىلەيمىن», - دەپ جازدى سوڭىندا ەركەش شاكەەۆ.