تاۋەلسىزدىك كۇنىنە وراي قازاقستاندىقتار ءتورت كۇن دەمالادى. جالپى مەرەكەلىك دەمالىس كۇندەرىنىڭ سانى بەس كۇندىك جۇمىس اپتاسى بوينىشا - 17, ال التى كۇندىك جۇمىس اپتاسى بويىنشا - 16.
قر دەنساۋلىق ساقتاۋ جانە الەۋمەتتىك دامۋ مينيسترلىگى 2017 جىلعى مەرەكەلىك دەمالىس كۇندەرىنىڭ ءتىزىمىن جاريالادى. مينيسترلىكتىڭ ەسكەرتۋىنشە, زاڭناماعا سايكەس قازاقستاننىڭ ۇلتتىق جانە مەملەكەتتىك مەرەكەلەرى تويلاناتىن كۇندەر مەرەكەلىك, ياعني دەمالىس كۇندەرى بولىپ سانالادى. مەرەكەلىك كۇندەرگە تاۋەلسىزدىك كۇنى (16-17 جەلتوقسان), جاڭا جىل (1-2 قاڭتار), حالىقارالىق ايەلدەر كۇنى (8 ناۋرىز), ناۋرىز (21-23 ناۋرىز), قازاقستان حالىقتارىنىڭ بىرلىگى مەرەكەسى (1 مامىر), وتان قورعاۋشى كۇنى (7 مامىر), جەڭىس كۇنى (9 مامىر), استانا كۇنى (6 شىلدە), قر كونستيتۋتسياسى كۇنى (30 تامىز), قازاقستان رەسپۋبليكاسىنىڭ تۇڭعىش پرەزيدەنتى كۇنى (1 جەلتوقسان). دەمالىس كۇندەرىنە (سەنبى, جەكسەنبى) سايكەس كەلەتىن مەرەكە كۇندەرى مەرەكەدەن كەيىنگى جۇمىس كۇنىنە اۋىستىرىلدى. بەس كۇندىك جۇمىس اپتاسىندا — 1 قاڭتاردان 3 قاڭتارعا, 7 مامىردان 8 مامىرعا, 16 جەلتوقساننان 18 جەلتوقسانعا, 17 جەلتوقساننان 19 جەلتوقسانعا. التى كۇندىك جۇمىس اپتاسى بويىنشا — 1 قاڭتاردان 3 قاڭتارعا, 7 مامىردان 8 مامىرعا, 17 جەلتوقساننان 18 جەلتوقسانعا. سونداي-اق, 2017 جىلى 1 قىركۇيەككە تۇسەتىن قۇربان ايتتىڭ ءبىرىنشى كۇنى جانە 7 قاڭتار — پراۆوسلاۆيەلىك روجدەستۆو دەمالىس كۇندەرى بولىپ ەسەپتەلەدى.