پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا ناتو باس حاتشىسىنىڭ ورتالىق ازيا جانە كاۆكاز جونىندەگى ارناۋلى وكىلى دجەيمس اپپاتۋرايمەن كەزدەستى. كەزدەسۋگە سەناتورلار يكرام ادىربەكوۆ جانە مۇحتار التىنباەۆ قاتىستى, دەپ حابارلادى سەناتتىڭ ءباسپاسوز قىزمەتى.
د.نازارباەۆا ناتو-مەن ارىپتەستىكتى دامىتۋ قازاقستاننىڭ سىرتقى ساياسي باعىتىنداعى ماڭىزدى باسىمدىق ەكەنىن اتاپ ءوتتى.
اڭگىمە بارىسىندا قورعانىس جانە قاۋىپسىزدىك سالاسىنداعى ۇلتتىق الەۋەتىن نىعايتۋعا, ايماقتىق تۇراقتىلىققا تونەتىن قاتەرلەر مەن قاۋىپتەرگە قارسى ءىس-قيمىلعا جاردەمدەسەتىن سولتۇستىك اتلانتيكا اليانسىنىڭ قازىرگى كەزدەگى باعدارلامالارى مەن ۇزدىك تاجىريبەسىن تارتۋعا ءبىزدىڭ ەلىمىزدىڭ مۇددەلى ەكەنى اتاپ ءوتىلدى.
ناتو باس حاتشىسىنىڭ ارناۋلى وكىلى قازاقستان مەن سولتۇستىك اتلانتيكا اليانسى اراسىنداعى ءوزارا ءىس-قيمىلدى, ەلىمىزدىڭ بىتىمگەرلەرىنىڭ دايىندىق دەڭگەيىن وڭ سيپاتتاي وتىرىپ, قازاقستاننىڭ جاھاندىق ديپلوماتياداعى ءرولىن جوعارى باعالادى.