ءۇش تىلدە شىرقالعان

«زامان-اي» ءانى حالىقارالىق دەڭگەيگە شىقتى ەل تاۋەلسىزدىگىنىڭ ناتيجە­سىن­دە قازاقستاننىڭ ەكونومي­كا­لىق سۋبەكتىلەرى عانا ەمەس, سو­نىمەن قاتار, ونەرى مەن مادە­نيە­تى دە حالىقارالىق قوعام­داس­تىققا كەڭىنەن تانىمال بولا باستاعاندىعىنىڭ كۋاسىمىز. جۋ­ىق­تا پارلامەنت ءماجىلىسىنىڭ ءتور­اعاسى ورال مۇحامەدجانوۆ باستاعان دەپۋتاتتار دەلەگا­تسيا­سى­نىڭ جاپونياعا جاساعان سا­پا­­رىن اقپاراتتىق قولداۋ ماق­سا­تىندا وسى ەلدە بولعا­نى­مىز­دا, حيروسيما قالاسىنىڭ تۇر­عىن­دارى قازاق­تىڭ كورنەكتى اقى­نى ۇلىقبەك ەسداۋلەتوۆتىڭ «زامان-اي» ولە­ڭى­نە جازىلعان سازگەر تولەگەن مۇحامەدجا­نوۆ­تىڭ ءانىن جاقسى بىلەتىندىگىن بايقادىق. بۇل ءاندى وسى ەلدىڭ ايگىلى ءانشىسى توماكا اعىل­شىن, جاپون جانە قازاق تىلدەرىندە ءجيى شىرقاي­دى ەكەن. «زامان-اي» – قازاقستانداعى سەمەي پوليگونىنىڭ قاسىرەتىنە ارنالىپ شىعارىلعان ءان. ال حيروسيما قالاسىنىڭ تۇرعىن­دارى الەمدە العاشقى بولىپ ونىڭ جان تۇرشىگەرلىك زاردابىن باستان وتكەرگەن بولاتىن. بۇل قالادا اتالعان وقيعاعا باي­لا­نىس­تى يادرولىق قارۋلارمەن كۇرەس قوزعالىسى ءالى كۇنگە دەيىن بەلسەندى سيپات الىپ كەلەدى. وسى ماسەلە جونىندە جىل سايىن ءان مەن ونەر فەستيۆالىن وتكىزىپ, وعان الەمنىڭ ءار ەلدەرىنەن ونەرپازدار شاقىرۋ بەرىك داستۇرگە ەنگىزىلگەن. «زامان-اي» ءانى وسى فەستيۆال­دىڭ نەگىزگى ۇرانىنا اينالعان. بۇل ءاننىڭ ءسوزى مەن سازىنىڭ قۇدىرەتىن جاقسى تۇسىنگەن جاپو­نيا­نىڭ يادرولىق قارۋلارعا قارسى كۇرەس قوزعالىسىنىڭ قاتىسۋ­شى­لارى وزدەرىنىڭ جەتەكشىسى كەيچي ساساكيدىڭ ۇسىنىسى نەگىزىندە ونى كومپاكت-ديسكىگە اعىلشىن, جا­پون, قازاق تىلدەرىندە باستى­رىپ شىعارىپ, حالىق اراسىنا كە­ڭىنەن تاراتۋدا. وسى وقيعاعا باي­لانىستى جازىلعان ءوز حابارىندا جاپونيانىڭ «جاپون تايمس» گازەتى «ءان 90-جىلدارى قازاقستان دالاسىنداعى سەمەي يادرولىق پو­ليگونىن جابۋ جونىندە ۇسىنىس جا­ساعان وسى ەلدىڭ يادرولىق قا­رۋلارعا قارسى كۇرەس قوزعالىسىنا قا­تى­سۋشىلارى شىرقاعان نۇس­قادان اۋدارىلىپ وتىر. جاپون يادرولىق قارۋلارعا قارسى كۇرەس قوزعالىسىنىڭ جەتەكشىسى كەيچي ساساكي كومپاكت-ديسكىنىڭ حا­لىق اراسىندا تارا­تى­لۋى وسى ماسەلەگە وراي ءۇن قوسۋ­شى ادام­داردىڭ حالىق­ارالىق ىن­تى­ماقتاستىعىن بەكىتە تۇسە­دى دەپ ەسەپتەيدى», دەپ جازىپتى. قازاقستاننىڭ ءبىرىنشى بو­لىپ يادرولىق پوليگوندى جاپ­قان ەل ەكەندىگى قازىرگى كۇنى حا­لىقارالىق قوعامداستىققا كە­ڭى­نەن تانىمال بولا باستادى. وتكەن جىلى ەلباسىمىز نۇر­سۇلتان نازارباەۆتىڭ اقش پرەزيدەنتى باراك وبامانىڭ ارنايى شاقىرۋى بويىنشا ۆاشينگتوندا وتكەن يادرولىق قا­رۋسىزدانۋ ماسەلەسىنە ارنالعان سامميتكە قاتىسۋىن اقپارات­تىق قولداۋ ماق­ساتىندا وسى ەلدە بولعا­نىمىزدا سامميتكە قاتىسۋ­شى­لاردىڭ, سونىڭ ىشىندە اقش باسشىلىعىنىڭ ءبىزدىڭ ەلگە, ونىڭ پرەزيدەنتىنە ەرەكشە قۇرمەت كورسەتكەندىگىنىڭ كۋاسى بولعان ەدىك. سول تۇستا قا­زاق­ستاننىڭ يادرولىق قارۋ­سىز­دانۋ جونىندەگى ۇسىنىس­تارى سام­ميت­تىڭ بيىك مىنبەرى ارقىلى كەڭ دۇنيەگە تاراعان بولاتىن. ەندى وسى ىسكە «زامان-اي» ءانى دە لايىقتى ۇلەس قوسادى دەپ ەسەپتەيمىز. سۇڭعات ءالىپباي.