دانيانىڭ عارىشتى زەرتتەۋمەن شۇعىلداناتىن عىلىمي ينستيتۋتى مارس عالامشارىندا مۇزدىق بار ەكەنىن انىقتادى. ياعني, جەردەن باسقا عالامشارلاردا تىرشىلىك بار دەگەن بولجام تاياۋ بولاشاقتا شىندىققا اينالۋى ابدەن مۇمكىن كورىنەدى.
– مۇزدىقتى مارسقا ەڭ جاقىن ورنالاسقان سپۋتنيك ارقىلى انىقتادىق. قىزىل قۇمنىڭ استىندا كورىنبەي جاتقان مۇز قاباتىن ءبىزدىڭ ينستيتۋتتىڭ ءبىر عىلىمي قىزمەتكەرى كەزدەيسوق كورىپ قالعان. وزدەرىڭىز بىلەسىزدەر, مارستا قۇمدى داۋىل ءجيى سوعادى. عالامشارداعى مۇزدىقتاردى بۇعان دەيىن بايقاماۋىمىزعا وسى داۋىل سەبەپ بولدى. سپۋتنيك ارقىلى تۇسىرىلگەن فوتوسۋرەتتەردەگى كورىنىس مۇز ەمەس دەگەن دە پىكىرلەر ايتىلىپ جاتىر. ءوز باسىم ونىڭ مۇز ەكەنىنە سەنىمدىمىن, – دەدى مارستى يگەرۋ ماسەلەسىنە اينالعان كونفەرەنتسيادا دانيالىق عالىم.
مۇز بولعان جەردە سۋ, اۋا بولاتىنى بەلگىلى. ال سۋ مەن اۋا بار جەردە تىرشىلىك بولۋى زاڭدىلىق. مارستاعى تىرشىلىك تۋرالى جاڭا دەرەكتەرگە قول جەتكىزگەن عالىمدار الداعى ۋاقىتتا زەرتتەۋ جۇمىستارىن ودان ءارى جالعاستىرا بەرمەك.
نۇريسلام اسقار