وڭتۇستىك, سولتۇستىك, باتىس, شىعىس

قىتايداعى جاڭا تۋعان تورتەمگە وسىنداي ەسىمدەر قويىلدى قحر-دىڭ جيچجاو قالاسىندا تورتەم ومىرگە كەلدى. بالاعا لايىقتى ات قويۋ وڭاي ەمەس ەكەنى بەلگىلى. ال جاڭا تۋعان شاقالاقتارعا اتا-اناسى سياودۋن (شىعىس), سياونان (وڭتۇستىك), سياوسي (باتىس) جانە سياوبەي (سولتۇستىك) دەگەن ەسىم بەرۋدى ءجون كورىپتى. ولار – وتباسىنىڭ تۇڭعىشتارى. نارەستە­لەردىڭ 27 جاستاعى اناسى لي تسزيۋان مەن جارىنىڭ وتاۋ قۇرعانىنا بىرنەشە جىل بولسا دا, وسى ۋاقىتقا دەيىن قۇرساق كوتەرە الماعان. اۋليە كەزىپ, جەر-جاھاندى ارالاماسا دا, دارىگەرلەردىڭ كومەگىنە ءجيى جۇگىنىپ وتىرىپتى. اق حالاتتىلاردىڭ نۇسقاۋىمەن ارنايى پرەپاراتتار قابىلداعان. سودان ارادا كوپ ۋاقىت وتپەي بويىنا بالا ءبىتىپتى. ءبىر ەمەس, ءتورت سابيگە اياعى اۋىر ەكەنى بەلگىلى بولعان. ال 4 شىلدە كۇنى, جۇكتىلىكتىڭ 33-ءشى اپتاسىندا ەكى قىز بەن ەكى ۇلدى بوسانعان. سابيلەر شالا تۋعان. ەڭ كىشكەنتايىنىڭ سالماعى شامامەن – 1,75 كيلو. ەندىگى ءبىر اي كولەمىندە دارىگەرلەردىڭ باقى­لاۋىندا, ين­تەنسيۆتى بولىمشەسىندە بولادى. ايان ءابدۋالي, «ەگەمەن قازاقستان»