قىمباتتى قازاقستاندىقتار!

قازاقستان حال­قى اسسام­ب­لەيا­­سى سىزدەردى استانا كۇ­نى­مەن شىن ءجۇ­رەكتەن قۇتتىق­تاي­دى! ەل تاۋەل­سىز­دى­گىنىڭ تاريحىندا اي­قىن­دالعان بۇل مەرەكە – ەلوردامىزدىڭ باس ساۋلەتشىسى, قازاقستان رەسپۋبليكاسىنىڭ پرەزي­دەنتى, ەلباسىمىز نۇرسۇلتان ءابىش ۇلى نازارباەۆتىڭ اسا ماڭىزدى ستراتەگيالىق جوبالارىنىڭ ءبىرى. استانا كۇنى مەرەكەسى قازاق­ستان­دىقتاردىڭ جۇرەگىنىڭ تورىنەن ورىن الاتىن ەرەكشە كۇن. ءبىز  ەلىمىزدىڭ تاۋەلسىزدىك جىلدارىندا,  كۇندەلىكتى, تىنىمسىز ەڭبەگىمەن شىققان ەڭ بيىك بەلەستەرى مەن قول جەتكىزگەن جارقىن تابىستارىن استانا اتىمەن بايلانىستىرامىز. تاۋەلسىزدىك پەن استانا – ءبىز ءۇشىن ەكى قاسيەتتى ۇعىم, حالقىمىزدىڭ ماقتانىشى مەن جەتىستىگى. نۇرسۇلتان ءابىش ۇلى نازارباەۆ ايتقانداي, «ونىڭ جاڭا كو­شە­لەرىندە, الاڭدارىندا, ساياباقتارى مەن عاجايىپ ساۋلەت تۋىندىلارىندا ءبىزدىڭ تاۋەلسىزدىگىمىزدىڭ ۇلى تاريحى اي­ناداعىداي بەينەلەنگەن». تاۋەلسىزدىك پەن استانانىڭ ءبىر-بىرىنەن اجىراعىسىز دا تەرەڭ بايلانىسى قازاقستان حالقى اسسامبلەياسىنىڭ 2016 جىلعى ءساۋىر ايىندا وتكەن XXIV سەسسياسىندا قابىلدانعان «ماڭگىلىك ەل» پاتريوتتىق اكتىسىندە كورىنىس تاپتى. استانا – «ماڭگىلىك ەل» ۇلتتىق يدەياسىنىڭ جارقىن سيمۆولى, بولاشاعى ءبىر ەلدىڭ استاناسى. تاۋەلسىزدىكتىڭ  25 جىلدىعىن توي­لاعالى وتىرعان قازاقستان حالقى ءۇشىن استانا حالىقتىڭ ارمانىنداعى قالادان ناقتى جەتىستىگى مەن جەڭىسى بار وركەنيەتتى قالاعا اينالدى. استانادا بارشا ەلدىڭ ءۇمىتى مەن ارماندارى جۇزەگە اسادى, ول ەلىمىز­دىڭ دامۋ قارقىنىنىڭ كورسەتكىشى. استانا قازاق­ستاندىق جولدىڭ بيىك ستان­دارتتارىن ايقىندايدى. وسىناۋ مەرەكە كۇنى قازاقستان حالقى اس­سام­بلەياسى ءاربىر وتباسىنا باق پەن بەرەكە, بىرلىك پەن تاتۋلىق, ەلدىڭ ەڭسەلى ەلورداسىنا وركەندەۋ تىلەيدى! جاس استانامىز جۇرەگىمىزدەگى جاڭا­رۋدىڭ, قازاقستان حالقىنىڭ بولاشاققا دەگەن نىق سەنىمى مەن تاۋسىلماس جاسامپاز كۇشىنىڭ سيمۆولى بولسىن! ءبىز سەنى ايالايمىز, استانا! قازاقستان حالقى اسسامبلەياسىنىڭ كەڭەسى