كورپوراتسيا باسشىسىمەن كەزدەستى

ەلباسى نۇرسۇلتان نازارباەۆ CNPC كورپو­راتسيا­سى ديرەكتورلار كەڭە­سىنىڭ توراعاسى ۆان يلين­مەن كەزدەستى, دەپ حابارلادى پرەزيدەنتتىڭ ءباسپاسوز قىز­مەتى. كەزدەسۋ بارىسىندا كومپا­نيانىڭ قازاقستانداعى قازىر­گى قىزمەتىنىڭ ماسەلەلەرى, سو­نىڭ ىشىندە قاشاعان كەن ور­نىن­داعى جوندەۋ-قالپىنا كەلتىرۋ جۇ­­مىس­تارىنىڭ جا­يى جانە قا­زاق­ستان گازىن قى­تايعا ەكس­پورت­تاۋ­دىڭ پەرس­پەك­تيۆالارى تال­قى­لاندى. مەملەكەت باسشىسى CNPC قازاقستانداعى ءىرى ين­ۆەس­تور­لاردىڭ ءبىرى بولا وتىرىپ, ەكى ەل اراسىنداعى ەكونوميكالىق ى­ن­­تى­ماقتاستىقتى تەرەڭ­دەتۋگە سەپتىگىن تيگىزىپ كەلە جات­قانىن اتاپ ءوتتى. – 1997 جىلدان باستاپ كومپانيا ءبىزدىڭ ەكونوميكامىزعا 10 ميلليارد دوللار ينۆەستيتسيالاپ, تاعى 20 ميلليارد دوللاردى مۇناي كەن ورىندارىن بارلاۋ مەن يگەرۋ, مۇناي جانە گاز قۇبىرلارىن تارتۋ ىسىنە جۇمسادى. بۇل – وتە ءۇل­كەن ينۆەستيتسيا. قازىرگى كەزدە بارلىق مۇناي كومپانيالارى ەنەرگيا رەسۋرستارىنىڭ الەم­دىك باعاسىنىڭ تومەن­دەۋىنە بايلانىستى تۋىندا­عان قيىندىقتاردى باستان ءوت­كە­رۋدە. سوندىقتان, بۇدان ءارى جۇزەگە اسىراتىن ارە­كەت­تەرى­مىزدى تالقىلايتىن كەز كەلدى, – دەدى نۇرسۇلتان نازار­باەۆ. سونداي-اق, قازاقستان پرەزي­دەنتى CNPC كورپورا­تسيا­­سىنىڭ باسشىسىنا اس­تانا­داعى ۇلتتىق بي مەن بالەت جو­عارى مەكتەبىنىڭ قۇرى­لى­سىنا اتسالىسقانى ءۇشىن العىس ايتتى. ۆان يلين مەملەكەت باسشىسىنا كومپانيا قىزمەتىن قولداپ وتىرعانى ءۇشىن ريزاشىلىق ءبىل­دىرىپ, الداعى كەزەڭدەگى جۇمىس­تار­دىڭ جوسپارى تۋرالى حاباردار ەتتى.