[caption id="attachment_49907" align="aligncenter" width="560"] فوتو: akmola-zhastary.kz[/caption]
ستەپنوگور قالاسىنىڭ «باتىر» اسكەري-سپورتتىق كلۋبىنىڭ مۇشەلەرى رەسپۋبليكالىق «ايبىن» اسكەري-پاتريوتتىق جيىنىنىڭ جەڭىمپازى اتاندى. جارىسقا ەلىمىزدەگى جوعارعى وقۋ ورنىنداعى اسكەري كافەدرالاردىڭ, اسكەري مەكتەپتەردىڭ جانە ارنايى كلۋبتاردىڭ 800 وكىلى قاتىستى.
«باتىر» 16 كوماندانىڭ ىشىنەن ۇزدىك كورسەتكىشكە جەتىپ, وبلىس ابىرويىن اسقاقتاتتى. باسەكە بارىسىندا تىكۇشاقتان راكەتا جىبەرۋ, تانك شابۋىلىنا تويتارىس بەرۋ, تەررورشىلارمەن كۇرەستىڭ شارتتى كورسەتىلىمى سياقتى كۇردەلى سىنداردان سۇرىنبەي وتكەن ستەپنوگورلىق ورەندەر اسكەري ءان بايقاۋىندا دا ۇزدىك اتاندى.
جەڭىمپازداردى قورعانىس ءمينيسترى يمانعالي تاسماعامبەتوۆ ماراپاتتاپ, ەلىمىزدىڭ اسكەري وقۋ ورىندارىنا جەڭىلدىكپەن قابىلدانۋ قۇقىعىن بەرەتىن سەرتيفيكاتتاردى تاپسىردى.
باقبەرگەن امالبەك