سولتۇستىك قازاقستاندا «ماعجان وقۋلارى» بايقاۋى ءوتتى

[caption id="attachment_49901" align="aligncenter" width="560"] فوتو: zharar.com[/caption] بيىلعى رەسپۋبليكالىق «ماعجان وقۋلارى» بايقاۋى اقىننىڭ تۋعان اۋىلى سارىتوماردا (سولتۇستىك قازاقستان وبلىسى) وتكىزىلدى. ءداستۇرلى عىلىمي جانە جىر دوداسىنا اقمولا وبلىسىنان قاتىسقان اقكول اۋدانىنىڭ ءۇش وقۋشىسى جۇلدەلى ورىندارعا يە بولدى. ناقتىلاي كەتسەك, «اقىن دا ءبىر بالا عوي, ايعا ۇمتىلعان...» اتالىمىندا كەڭەس ورتا مەكتەبىنىڭ 10-سىنىپ وقۋشىسى جارقىنبەك باعدات باس جۇلدەنى جەڭىپ, سولتۇستىك قازاقستان وبلىسى اكىمىنىڭ ارنايى سىيلىعىمەن ماراپاتتالدى. ال «تولقىندى تولقىن قۋادى» اتالىمىندا مينسك ورتا مەكتەبىنىڭ 8-سىنىپ وقۋشىسى  ماۋلەتحان اقجول «تۇركىستان  ولەڭىنىڭ كوركەمدىك ەرەكشەلىگى» اتتى عىلىمي جوبانى قورعاپ, ءبىرىنشى ورىندى يەلەندى. سونىمەن قاتار,  «ولەڭ – مەنىڭ شولپانىم, ايىم. كۇنىم.» اتتى ماعجان جىرلارىن مانەرلەپ وقۋداعى اسا تارتىستى بايقاۋدا  9-سىنىپ وقۋشىسى  مىرزاحمەت رانا جۇلدەگەرلەر قاتارىنان كورىندى. جاس ادەبيەتشىلەردىڭ جەتەكشىسى حانشا احتىشحانعا وبلىس اكىمىنىڭ العىس حاتى تاپسىرىلدى. باقبەرگەن امالبەك