استانادا شاعىن فۋتبولدان جۋرناليستەر ءتۋرنيرى ءوتتى

[caption id="attachment_49851" align="aligncenter" width="560"] فوتو: facebook الەۋمەتتىك جەلىسى[/caption] استانادا شاعىن فۋتبولدان بۇقارالىق اقپارات قۇرالدارىنىڭ وكىلدەرى اراسىندا بەلگىلى جازۋشى, پۋبليتسيست سەيداحمەت بەردىقۇلوۆتى ەسكە الۋعا ارنالعان رەسپۋبليكالىق تۋرنير ءوتتى. ءتۋرنيردىڭ اشىلۋ سالتاناتىندا مادەنيەت جانە سپورت مينيسترلىگى سپورت جانە دەنەتاربيەسى كوميتەتىنىڭ توراعاسى ەلسيار قاناعاتوۆ پەن پارلامەت ءماجىلىسىنىڭ دەپۋتاتى ساۋىتبەك ابدراحمانوۆ ءسوز سويلەپ, سەيداعاڭدى ەسكە الۋعا ارنالعان تۋرنير مەن جازۋشىنىڭ سپورت جۋرناليستيكاسىندا قالدىرعان ءىزىنىڭ  مانى مەن ماڭىزىن ايتىپ, كوماندالارعا ساتتىلىك تىلەدى. بيىلعى تۋرنيرگە 19 كوماندا قاتىستى. جۋرناليستەردىڭ دوداسى تاڭەرتەڭنەن كەشكە دەيىن كۇنى بويى ءوتتى. وندا ءتورت توپقا بولىنگەن كوماندالار الدىمەن ءوز توپتارىندا ءبىر-بىرىمەن كەزەدسىپ, سودان كەيىن ءار توپتان العاشقى ەكى ورىندى يەلەنگەن جاساقتار شيرەك فينالدا كەزدەستى. سوڭىندا فينالعا «حابار-الماتى» مەن الماتى قۇراماسى شىقتى.  بۇل كەزدەسۋدە "حابارلىقتار" قارسىلاستارىن ۇتىپ, العاش رەت ءتۋرنيردىڭ جەڭىمپاز اتاندى. ەكىنشى ورىندى الماتى قۇراماسى يەلەنسە, ءۇشىنشى ورىنعا وڭتۇستىك قازاقستان جۋرناليستەرىنەن جاساقتالعان كوماندا يە بولدى. وقو كومانداسى وسىمەن ءۇشىنشى رەت قاتارىنان ءتۋرنيردىڭ قولا جۇلدەگەرى اتانىپ وتىر. داستان كەنجالين [caption id="attachment_49853" align="aligncenter" width="560"] فوتو: inform.kz[/caption]   [caption id="attachment_49852" align="aligncenter" width="560"] فوتو: inform.kz[/caption]