وڭتۇستىكتى – قالاعاڭ, قالتاي اعامىز « ۇلىسىمىزدىڭ ۇيىتقىسى» دەگەن. راسىندا, قازاقستان دەگەن الىپ مەملەكەتىمىزدى ءوڭتۇستىك قازاقستان وبلىسىنسىز كوزگە ەلەستەتۋ مۇمكىن ەمەس. كيىز تۋىلدىرىقتى قازاقتى ءوز الدىنا جەكە, مىقتى مەملەكەت ەتەمىن دەپ ات ۇستىنەن تۇسپەگەن قاسقالار مەن جايساڭدار تۇركىستان تورىندە ءماڭگى دامىلداپ جاتىر.
ۇلىستىڭ ۇيىتقىسىنا ارنالعان وڭىردە ساۋاپتى تىرلىكتەر كوپ. سونىڭ ءبىرىن جولاۋشىلاردى تاسىمالدايتىن قوعامدىق كولىكتەردىڭ ۇجىمى قولعا الدى.
جەكەمەنشىك «Green bus» سەرىكتەستىگى وبلىس يمامدارىمەن كەلىسىپ, ورازا ايىندا جولاۋشىلاردى تەگىن تاسىمالداپ كەلەدى. قادىر تۇنىندە دە سولاي بولدى.
«وڭتۇستىكاۆتوترانس» قاۋىمداستىعىنىڭ پرەزيدەنتى دارحان قايىپوۆ: «ءبارىمىز دە ءبىر اللانىڭ ۇمبەتىمىز. قايىرىمدى ىستەر ادامداردى ءارتۇرلى قاۋىپ-قاتەرلەردەن ساقتايدى» دەلىنەدى حاديستە. ءبىزدىڭ جىگىتتەر جاقسىلىقتى ەسەپپەن ەمەس, ءبىر اللانىڭ نىعمەتى ءۇشىن جاساپ جاتىر. بۇگىنگىدەي قىمباتشىلىق زاماندا ادامداردىڭ كوڭىل-كۇيىن كوتەرگەنگە, دۇنيەدە جاقسى ادامدار كوپ, ولاردىڭ ءبىر-بىرىنە باۋىر ەكەندىگىن ۇقتىرعانعا نە جەتسىن. جەكەلەگەن قوعامدىق كولىك باسشىلارىنىڭ قايىرىمدىلىق ءىس-شاراسىنا باسقالار دا ءۇن قوسىپ جاتقاندىعى قۋانتادى» – دەيدى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى