الماتى مەن تەگەران اراسى

اۋە جولىمەن جالعاساتىن بولدى ەلىمىزدەگى ەڭ ءىرى اۋە تاسىمالداۋشى كومپانيا تۇڭعىش رەت الماتىدان يران استاناسى – تەگەرانعا تىكەلەي قاتىنايتىن اۋە رەيسىن اشتى. بۇل ەكى ەل پرەزيدەنتتەرىنىڭ مەملەكەتارالىق ەكونو­ميكالىق قاتىناستاردى دامىتۋ جونىندەگى كەلىسىمىنىڭ ارقاسىندا جۇزەگە اسىپ وتىر. ۇشاقتار اپتاسىنا ءۇش رەت قاتىنايدى. الماتىدان شىققان ۇشاق تەگەرانعا 2,5 ساعاتتا جە­تەدى. الداعى ۋاقىتتا ەكى مەملەكەت اراسىنداعى بارىس-كەلىس قاتىناسى ۆيزاسىز بولۋى مۇمكىن. جالپى, رەيستىڭ اشىلۋى ءتۋريزمدى دامىتۋعا سەرپىلىس بەرەدى. سىرتقى ىستەر مينيس­ترلىگىنىڭ ءما­لىمەتى بويىنشا, بىلتىر قا­زاقستان مەن يران اراسىنداعى ساۋ­دا اينالىمى 1 ميلليارد اقش دوللارىن قۇراعان. ەندى جاڭا اۋە رەيسىنىڭ اشىلۋىمەن ەكى ەل اراسىنداعى جولاۋشىلار تاسىمالى جىلىنا 7 مىڭ ادامعا جەتەدى دەگەن بولجام بار. قازىر ەلىمىزدەن يرانعا باراتىن جولاۋشىلاردىڭ 60 پايىزى – تۋريستەر, قالعانى – كاسىپكەرلەر. – بۇگىندە يرانعا ۆيزا الۋ قيىن ەمەس, كۇنىنە 15-20 داناسىن راسىمدەيمىز. ءبىز ونى بارىن­شا جەڭىلدەتۋگە كۇش سالۋدامىز. بولاشاقتا يرانعا ۆيزاسىز قا­تىناۋ ماسەلەسى قاراستىرىلىپ جاتىر. ول ءۇشىن قازاقستانمەن ەكىجاقتى كەلىسىم بولۋى كەرەك. مۇنداي قادام باۋىرلاس ەكى ەلدىڭ اراسىنداعى قارىم-قاتىناستى ودان ءارى نىعايتۋعا ىقپال ەتەدى دەپ ويلايمىن, – دە­دى يراننىڭ الماتىداعى باس كون­سۋلدىعىنىڭ ەكىنشى كونسۋلى ماحمۋد اسادي. قانات ەسكەندىر, «ەگەمەن قازاقستان» الماتى