ۆارشاۆادا قازاقستاننىڭ پولشاداعى ەلشىسى التاي ابيبۋللاەۆتىڭ پولشا سەناتىنىڭ مارشالى ستانيسلاۆ كارچەۆسكيمەن كەزدەسۋى ءوتتى. كەزدەسۋ بارىسىندا ەكىجاقتى قارىم-قاتىناستاردىڭ وزەكتى ماسەلەلەرى, سونداي-اق, پارلامەنتارالىق ۇنقاتىسۋدى نىعايتۋدىڭ كەلەشەگى ءسوز بولدى.
قازاقستان ەلشىسى ەلدەرىمىزدىڭ ءتيىستى قۇقىقتىق بازاسىن قامتاماسىز ەتەتىن ەكى ەل پارلامەنتشىلەرىنىڭ ىنتىماقتاستىعىن نىعايتۋدىڭ ماڭىزدىلىعىن اتاپ ءوتىپ, سۇحباتتاسۋشىسىن قازاقستاننىڭ الەۋمەتتىك-ەكونوميكالىق ساياساتىمەن جانە ەكىجاقتى ىنتىماقتاستىقتىڭ كەلەشەگىمەن, سونداي-اق, مەملەكەت باسشىسىنىڭ جاھاندىق جانە وڭىرلىك باستامالارىمەن تانىستىردى. ەلشى سەنات توراعاسىن 28-29 تامىزدا استانادا وتەتىن «يادرولىق قارۋسىز الەم قۇرۋ» حالىقارالىق كونفەرەنتسياسىنا شاقىردى.
ءوز كەزەگىندە س.كارچەۆسكي وسى جىلدىڭ مامىر ايىندا ءوتكەن قازاقستانعا رەسمي ساپارى بارىسىندا جىلى قابىلداۋى ءۇشىن ەل باسشىلىعىنا شىن ءجۇرەكتەن العىسىن ءبىلدىردى. پولشا سەناتىنىڭ سپيكەرى قازاقستان پرەزيدەنتى نۇرسۇلتان نازارباەۆپەن جەكە كەزدەسۋىنەن العان اسەرلەرىمەن ءبولىسىپ, تاعى دا ءوز ساپارىن جەمىستى ۇيىمداستىرعانى ءۇشىن قازاقستان پارلامەنتى سەناتىنىڭ توراعاسى قاسىم-جومارتتوقاەۆقا ريزاشىلىعىن ءبىلدىردى.
سپيكەر قازاقستاندا جۇزەگە اسىرىلىپ جاتقان ساياسي جانە الەۋمەتتىك-ەكونوميكالىق رەفورمالاردى وڭ باعالاپ, ەكى ەل اراسىنداعى ەكىجاقتى ىنتىماقتاستىقتىڭ الەۋەتىن تىلگە تيەك ەتتى جانە قازاقستانمەن ىنتىماقتاستىقتى نىعايتۋ باعىتىنداعى جۇمىسىن جالعاستىرۋعا نيەتتى ەكەنىن جەتكىزدى.
س.كارچەۆسكي كەزدەسۋ سوڭىندا قازاقستان پرەزيدەنتىن جانە بارلىق قازاقستاندىقتاردى ەلىمىزدىڭ 2017-2018 جىلدارعا بۇۇ قاۋىپسىزدىك كەڭەسىنىڭ قۇرامىنا سايلانۋىمەن قۇتتىقتاپ, قازاقستان ەاەو كەڭىستىگىندە پولشانىڭ ماڭىزدى ارىپتەسى بولىپ تابىلاتىنىن اتاپ ءوتتى جانە ەكىجاقتى, سونداي-اق, كوپجاقتى ىنتىماقتاستىقتىڭ بارلىق سالاسى بويىنشا بايلانىستاردى ودان ءارى نىعايتۋعا ەرەكشە قىزىعۋشىلىق تانىتتى.
«ەگەمەن-اقپارات»