سەمەيدە جەرگىلىكتى كونديتەر تسەحتارىنىڭ بىرىندە قاسيەتتى رامازان ايىنىڭ قۇرمەتىنە «اۋىزاشار» اتتى كونديتەرلىك ونىمدەر جيىنتىعى شىعارىلۋدا. وندىرىلگەن تاعامداردىڭ ىشىندە شي باۋىرساق, جەنت سياقتى ۇلتتىق ونىمدەرمەن بىرگە قۇرما, پەچەنە بار.
تسەح جەتەكشىسى جانارگۇل جۇماعاليەۆانىڭ ايتۋىنشا, وتاندىق ونىمگە كورشىلەس رەسەي, قىتاي, موڭعوليا ەلدەرىنەن تاپسىرىس ءتۇسىپ جاتىر. وسىدان 10 جىل بۇرىن اشىلعان شاعىن تسەحتا باستاپقىدا 2-3 ادام ەڭبەك ەتىپ, ءونىمنىڭ 5-6 ءتۇرى عانا شىعارىلسا, قازىرگى تاڭدا ول 30-عا جۋىق ادامدى جۇمىسپەن قامتىعان, قاناتىن كەڭگە جايا باستاعان كاسىپورىنعا اينالىپ كەلەدى.
– مەن ماماندىعىم بويىنشا قازاق ءتىلى مەن ادەبيەتى ءپانىنىڭ مۇعالىمىمىن. سوندىقتان, كونديتەرلىك تسەحىمىزدا ءوندىرىلەتىن كۇلشەلەرىمىزدى قازاقى قالىپتا اتاعاندى ۇناتامىن. ءماسەلەن, «تاقيا», «شاڭىراق» دەگەن پەچەنەلەر بار. ءتۇر-تۇرپاتىنا قاراپ تا اتاي بەرەمىز, – دەيدى تسەح جەتەكشىسى.
دۋمان اناش,
«ەگەمەن قازاقستان»
سەمەي