انگليا مەكتەپتەرىنىڭ بىرىندە وقۋشى بالالارعا گەومەتريا پانىنەن بەرىلگەن ەسەپتى شەشۋگە ارنالعان قىزۋ پىرىكتالاس الەۋمەتتىك جەلىلەردەگى ينتەرنەت پايدالانۋشىلاردى اياق استىنان دۇرلىكتىرىپ جىبەردى. وقيعا مانچەستەر قالاسىنا تاياۋ ماڭداعى گلوسسەپ دەگەن قالاشىقتىڭ ءبىر مەكتەبىنەن ءورىس العان.
وسى ءبىلىم ورداسىندا وقۋشىلارعا گەومەتريادان ۇيدە شىعارىپ كەلۋ ءۇشىن ەسەپ بەرىلەدى. ەسەپتە ەكى كوپ بۇرىشتىڭ پەريمەترىن انىقتاۋ تاپسىرىلادى. شاكىرتتەردىڭ ەشقايسىسى ونى وزدىگىنەن شىعارا المايدى. بالالاردىڭ ءبىرى سوسىن ەكونوميست بولىپ قىزمەت ەتەتىن اكەسىن كومەككە شاقىرادى.
بىراق, قىرسىق شالعاندا, وقۋشىنىڭ قىرىق ءۇش جاستاعى اكەسى دە, وعان كومەككە كەلگەن اجەسى دە ەسەپتى شەشە الماي, ابدەن تىعىرىققا تىرەلەدى.
سودان كەيىن وتاعاسى «تۆيتتەر» الەۋمەتتىك جەلىسىنە شىعىپ, جۇرتتى ەسەپتى بىرلەسىپ شەشۋگە شاقىرادى. سول-اق ەكەن, ينتەرنەت پايدالانۋشىلار اراسىندا ەسەپ جونىندە قىزۋ پىكىرتالاس باستالىپ كەتەدى. وعان قاتىسۋشىلاردىڭ كوپشىلىگى تاپسىرمانىڭ بالالار ءۇشىن وتە اۋىر ەكەنىن العا تارتسا, ءبىر پايدالانۋشى ءتىپتى مۇنداي ەسەپتەر بەرۋدىڭ ەشبىر ءمانى جوق ەكەنىن جازادى.
اتالعان ەسەپتى بىرقاتار ماتەماتيك مۇعالىمدەر دە شەشە الماپتى. سوڭىنان ونىڭ دۇرىس جاۋابىن B K Eindvistle ەسىمدى ءبىر پادالانۋشى عانا بەرىپتى. ول ەكى فيگۋرانىڭ پارامەترى قىرىق ءتورت سانتيمەتر بولاتىنىن جازىپتى.
ەندى ءبىز دە ءوز وقىرماندارىمىزعا وسى ءبىر كەرەمەت ەسەپتى شىعارىپ كورۋدى ۇسىنامىز.
تالعات رايىمبەك.
مانبە, فوتو: Planet.today.