«قازحروم» تۇك» اق فيليالى – اقتوبە فەرروقورىتپا زاۋىتىنىڭ 95 تىڭداۋشىسى مەملەكەتتىك ءتىلدى ۇيرەنۋدىڭ 2015-2016 جىلدارعى وقۋ باعدارلاماسى اياسىندا قاراپايىم جانە بازالىق دەڭگەي بويىنشا ەمتيحان تاپسىردى. ونىڭ 30-ى وتە جاقسى, 40 تىڭداۋشى جاقسى, 25-ءى قاناعاتتانارلىق دەگەن باعاعا يە بولدى.
مەملەكەتتىك ءتىلدى قىزمەتكەرلەرگە, جەكە تۇلعالارعا دەڭگەيلەپ وقىتۋ باعدارلاماسى ءبىلىم جانە عىلىم مينيسترلىگىنىڭ «ۇلتتىق تەستىلەۋ ورتالىعى» رەسپۋبليكالىق مەملەكەتتىك قازىنالىق كاسىپورنىنىڭ ەنگىزگەن مەملەكەتتىك ستاندارتىن باسشىلىققا الا وتىرىپ, جىل سايىن زاۋىتتا جۇمىس ىستەي ءجۇرىپ, ءتىل ۇيرەنۋ كۋرستارىنان ءبىلىم الىپ جۇرگەن وزگە ۇلت وكىلدەرى وقۋ جىلىنىڭ سوڭىندا ءتىلدى قانشالىقتى مەڭگەرگەنىن ساراپتايتىن ەمتيحان تاپسىرادى. بيىل دا 2015-2016 جىلدارعى وقۋ باعدارلاماسى اياسىندا ءدارىس العان 95 جۇمىسكەر ەكى كۇن ارالىعىندا سىناق تاپسىردى.
– تىڭداۋشىلارعا وقۋ باعدارلاماسى نەگىزىندە قاراپايىم – 100, بازالىق – 110, ورتا – 110, ورتادان جوعارى – 100, جوعارى دەڭگەي بويىنشا 100 ساعات ءدارىس وقىتىلدى. وقۋ جىلىنىڭ سوڭىندا قورىتىندى رەتىندە ءارى كەلەسى دەڭگەيگە كوشىرۋ ءۇشىن سىناق تاپسىرۋ ويداعىداي ءوتتى. زاۋىتتىقتاردىڭ ءتىلدى ۇيرەنۋگە دەگەن قۇلشىنىسى, ىنتاسى جامان ەمەس. ءاربىر تىڭداۋشىنىڭ ءتىلدى قانشالىقتى ۇيرەنگەندىگىن بۇگىنگى ەمتيحان ايقىنداپ بەردى. كەيبىر وزگە ۇلت وكىلدەرىنىڭ ءتىلدى جاقسى مەڭگەرگەنى سونشالىق, وبلىس, قالا, زاۋىت, كومپانيا كولەمىندە وتكەن ءتۇرلى ءىس-شارالارعا بەلسەنە قاتىسىپ, جۇلدەلى ورىنداردان كورىنىپ, كاسىپورىننىڭ نامىسىن قورعاپ ءجۇر. ولاردىڭ قاتارىندا رۋسلان گاتساەۆ, پولينا وۆسيەنكو, رۋسلان كليۋموۆ, اننا فەسكوۆانىڭ ەسىمدەرىن ماقتانىشپەن اتاۋعا بولادى. قازىرگى تاڭدا جۇمىسشىلاردان جاڭا توپتارعا ءوتىنىشتەر قابىلدانۋدا. كەلەسى جاڭا وقۋ جىلىندا ءتىل ءۇيرەنۋشىلەردىڭ قاتارى ارتاتىن بولادى, – دەپ اتاپ ءوتتى ءىس جۇرگىزۋ جانە مەملەكەتتىك ءتىلدى دامىتۋ ءبولىمىنىڭ ادىسكەرى گۇلبانۋ بەكەنباەۆا.
– مەنى مەتاللۋرگتەردىڭ ءتىلدى ۇيرەنۋگە دەگەن ىقىلاسىنىڭ زور ەكەندىگى, سونداي-اق كاسىپورىندا ولاردىڭ ءتىلدى جەتىك مەڭگەرۋىنە بارلىق جاعداي جاسالعاندىعى قاتتى قۋانتتى. سىناققا بارلىعى دەرلىك ۇلكەن دايىندىقپەن كەلگەن ەكەن. ءتىپتى, كەيبىرەۋلەرىنىڭ ەسىمدەرى وبلىستىق, قالالىق سايىستاردان جاقسى تانىس, – دەيدى وبلىستىق ءتىلدەردى دامىتۋ باسقارماسى جانىنداعى تىلدەردى وقىتۋ ورتالىعىنىڭ مامانى اقمارال سۇگىرباەۆا.
وسىلايشا سىناقتان ءسۇرىنبەگەندەر كەلەسى كۋرسقا كوشىرىلدى, ولار جاڭا وقۋ جىلىنان باستاپ كەلەسى دەڭگەي بويىنشا وقۋ ساباقتارىن ءارى قاراي جالعاستىراتىن بولادى.
ساتىبالدى ءساۋىرباي,
«ەگەمەن قازاقستان»
اقتوبە وبلىسى