جەكسەنبى كۇنى وسكەمەندە اۋا رايى قۇبىلدى. ءتۇس الەتىندە سىركىرەي باستاعان سوقىر جاڭبىر ارتىنشا اق نوسەرگە اينالىپ, قۇيىپ-قۇيىپ جىبەردى. سالدەن سوڭ ساتىر-سۇتىر مۇز بۇرشاقتارىن توگە باستادى.
ءار جەردە شاشىلىپ جاتقان بۇل بۇرشاقتار بالانىڭ باسىن وياتىنداي اجەپتاۋىر ءىرى ەكەن. جۇمىرتقاداي جاۋبۇرشاق دەۋگە دە بولادى. ارينە, ادام بالاسى تابيعاتتىڭ قىساستىعىنا قارسى كەلۋگە قۇدىرەتسىز. دەسە دە, باداناداي بۇرشاقتاردى «جاۋ» دەمەسكە ءاددىڭىز جوق. كوگەرىپ كەلە جاتقان كوك وسكىن تۇينەگىنەن, دانىنەن, دانەگىنەن ايىرىلىپ قالادى مۇنداي مۇزبۇرشاقپەن توپەلەۋدەن سوڭ. دەگەنمەن, وبلىستىق ءتوتەنشە جاعدايلار دەپارتامەنتى تابيعاتتىڭ توسىن مىنەزىنەن زارداپ شەگۋشىلەر تۋرالى حابارلاعان جوق. سوعان قاراعاندا, وڭىردەگى شارۋاشىلىقتاردى ديامەترى 2-3 سانتيمەتر بولعان بۇرشاقتىڭ بۇرا سوعۋىنان ساقتاعان سياقتى.
دۋمان اناش,
«ەگەمەن قازاقستان»
وسكەمەن