استانا. 16 مامىر. تۇركيانىڭ ىستامبۇل قالاسىندا تاعى دا جارىلىس بولدى. سالدارىنان 4 ادام جاراقات الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
وقيعا مالتەپە اۋدانىندا بولدى. Anadolu اگەنتتىگىنىڭ حابارلاۋىنشا, جارىلعىش زات جولدا قالدىرىلعان سومكەدە بولعان. قازىر پوليتسيا قىزمەتكەرلەرى تەرگەۋ امالدارىن جۇرگىزىپ جاتىر. لاڭكەستىك ارەكەتتى قاي توپتىڭ جاساعانى بەلگىسىز. ازىرگە ەشبىر ۇيىم ءوز موينىنا العان جوق.
ايتا كەتەيىك, سوڭعى كەزدەرى ىستامبۇل قالاسىندا تەراكتىلەر جيىلەپ كەتتى. مۇنداي جاعداي 12 مامىر كۇنى ورىن العان. جارىلعىش زات ورناتىلعان كولىك جارىلىپ, 8 ادام زارداپ شەكتى. مالىمەتتەر بويىنشا, ولاردىڭ بەسەۋى اسكەري ادامدار.
ايان ءابدۋالي.
دەرەك, فوتو: ريا «نوۆوستي».